Улатимĕр тракчĕ

«Википеди» ирĕклĕ энциклопединчи материал
Перейти к навигации Перейти к поиску
Исаак Левитан, Владимирка, 1892

Улатимĕр тракчĕ (ахальлĕ Улатиимĕркке) — Мускавран Улатимĕре çити пыракан тăпраллă çул.

Кун-çулĕ[тӳрлет | кодне тӳрлет]

XVIII ĕмĕртенпе Улатимĕр тракчĕпе судпа айăпланă çынсене Çĕпĕре каторгăна, çуран утмалла ăсатнă. Алли-урине сăнчăрланă аресленĕ çынсене пысăках мар ушкăнпа çуран «этап тăрăх куçарнă». 15—25 çухрăм утсан, арестантсене канма, «этапа» чарăннă. Чылайрах канма ятарлă «этап» тата «çурма этап» карталлă тĕрмесем пулнă. Арестантсен партине конвой хуралĕ сыхланă. Аресленĕ çынсене çулăн айккипе, тракт çумĕпе лартнă йывăçсен хыçĕпе илсе пынă.

XIX ĕмĕртенпе Улатимĕр тракчĕ Раççейри влаçпа халăх хушшинчи уйрăллăхне кăтартакан паллă пулса тăнă. Çак сăнара Достоевский Ф. М. тата урах çыравçăсем тĕплĕн усă курнă.

1919 çулта Улатимĕр тракчĕн пайне, мускав Рогожа заставинчен пуçласа, Энтузиастсен шосси ят панă. «Энтузиастсем» ятпа куçараканĕ А. В. Луначарский çак трактпа Çĕпĕре куçарнă революционерсемпе политика енпе айăпланăскерсене палăртнă.

Халĕ çак маршрутпа федераци шайĕнчи М7 «Атăл» автоçула хывнă. Çула тӳрлетнĕ хăшпĕр çĕртре, асфальт витĕмĕн аяккинче, ватă чулланă çул курăнать.

Çавăн пекех пăхăр[тӳрлет | кодне тӳрлет]

Асăрхавсем[тӳрлет | кодне тӳрлет]

Вуламалли[тӳрлет | кодне тӳрлет]

Каçăсем[тӳрлет | кодне тӳрлет]