Фестиваль (Тури Туçари)

Фестиваль, Чăваш Енти Патăрьел районĕнчи «Гварддеец» колхозăн е, урăхла каласан, Тури Туçа ял канашĕн территорийĕнче совет саманинче кашни çул пулнă ĕçтăвăм.

Чăн-чăн ят — Ĕçпе юрă уявĕ (вариантсем: Ĕçпе юрă тата спорт уявĕ, Ĕçпе юрă, мир тата спорт уявĕ). Анчах та халăх хушшинче ăна пурте шăпах Фестиваль тенĕ.

Вырăн: Тури Туçа ялĕ, стадион, Тимĕрле çырмин хĕрри. Унта, спорт вăййисем ирттермелли майлаштарусемсĕр пуçне, концертсем-мĕнсемшĕн ятарласа тунă тăрăллă эстрада та пулнă. Çавăн пекех — уява ертсе пыракансем валли — ятарлă трибуна, куравçăсем валли — саксем.

Фестиваль вăхăтĕнче, район шайĕнчи çавнашкал ĕçпулăмсемпе танлаштарсан, суту-илÿ кĕрлесе тăман темелле. Теплерен пĕрре çеç пĕр-ик автолавка килсе чарăнма пултарнă.

Çавăн пекех

• Акатуй
• Акатуй-Сапантуй
• Ярмăркка (Шăнкăртам вăрманĕнчи)
• Кушар
• Кушăк пасарĕ