Чарăну палли

Чарăну палли (вырăс чĕлхинчи "знак препинпния" тенине калькăласа тунă термин) — çырулăх элеменчĕ, ăна текстра, пуплерĕшре, сăмахсенче, сăмахçаврăнăшĕсенче тĕрлĕ сăлтавсемпе усă кураççĕ. Çырулăхăн саспалли текен элеменчĕсемпе танлаштарсан, чарăну паллисем çырура пулăшу функцийĕсене пурнăçлаççĕ.

Чарăну паллисен тĕсĕсем

Хальхи чылай çырулăхра чарăну паллисене çакăн валли усă кураççĕ:

• сăмахсене пĕр-пĕринчен уйăрма (сикчĕ — пушă вырăн);
• текстра тĕл пулакан тулли шухăша, çав шутрах эмоципе шухăш вĕçлевĕн шайне шута илсе, тепринчен уйăрма (пăнчă, кăшкăру тата ыйту палли, нумай пăнчă);
• предложени пайĕсен пĕр-пĕрин хушшинчи пăхăнăвне кăтартма (пăркăч, пăркăчлă пăнчă, икĕ пăнчă, тире);
• сăмаха ăнлав тăрăх пайлама (дефис);
• цитатăсемпе тӳрĕ пуплеве палăртма (кавычка);
• сиктерсе хăварнă текста кăтартма (нумай пăнчă);
• кĕскетнĕ сăмаха кăтартма (пăнчă, дефис, тайлăк палли);

Чарăну паллисем хушшинче мăшăрлисем тĕл пулаççĕ: пĕр-пĕр пуплев пайне палăртма усă курнă икĕ пăркăч, скобка, кавычка.

Чăваш чĕлхинче

Чăваш чĕлхинчи чарăну паллисем вырăс çырулăхĕнчен кĕнĕ, çавна пула вĕсем вырăс чĕлхинчи йĕркене пăхăнаççĕ.

Çавăн пекех пăхăр

• Пунктуаци