Беринг тинĕсĕ

Беринг тинĕсĕ (якут. Лаптевтар байҕаллара)
Анлăшĕ	1600 км
Лаптăк	2 315 000 км²
Калăпăш	3 796 000 км³
Чи тарăнăшĕ	4 151 м
Вăтам тарăнăш	1 600 м
Юхса кĕрекен шывсем	Юкон , Анадырь
КатегориВикиампарта

Бе́ринг тинĕсĕ — Лăпкă океанăн çурçĕр пайĕнче вырнаçнă тинĕс. Окенран Алеут тата Командор утравĕсемпе уйрăлса тăрать. Беринг хушăкĕ ăна Çурçĕр Пăрлă океанĕпе тата Чукча тинĕсĕпе çыхăнтарать. Тинĕс хĕрринче Раççейпе АПШ вырнаçнă.

Истори

Ятне 1725—1743 çулсенче тинĕсе тĕпчекен Витус Беринга асăнса панă. XVIII ĕмĕрти Раççей картисенче тинĕсе Камчатка е Хăнтăр тинĕсĕ тенĕ . Беринг тинĕсĕ тесе XVIII-мĕш ĕмĕрĕн вĕçĕнче каланă. Анчах 1818-мĕш çулта çеç В. М. Головнин хыççăн çак ят анлă сарăлнă.

Географи

Тинĕс çыранĕнче кӳлмексемпе сăмсахсем нумай. Раççей çыранĕнчи пысăк кӳлмексем: Анадырь, Карагин, Олютор, Корфа, Хĕрес; Америка çыранĕнче: Нортон, Бристоль, Кускоквим. Утравсем тинĕс хĕрринче вырнаçнă: Прибылов утравĕсем (АПШ), Алеут утравӗсем, Командор утравĕсем (Раççей), çав шутраБеринг утравĕ, Таса Лавренти утравĕ (АПШ), Диомид утравĕсем, Кинг утравĕ (Аляска, АПШ), Таса Матвей утравĕ, Карагин утравĕ, Нунивак (АПШ).

Промысел

Тинĕсре пулăсем тытаççĕ - лосось, камбала йышшисем, треска, кета, горбуша, минтай, сельдь, сайра), тата камчатка крабне, тинĕс кушакне, тюленсене хатĕрлеççĕ. Çыранĕпе утравсем çинче кайăк пасрĕсем вырнаçнă.

Портсем: Провидения (Раççей), Ном (АПШ).

Вуламалли

• Шлямин Б. А. Берингово море. — М.: Госгеографгиз, 1958. — 96 с.: ил.
• Шамраев Ю. И., Шишкина Л. А. Океанология. — Л.: Гидрометеоиздат, 1980.

Каçăсем

• Берингово море в книге: А. Д. Добровольский, Б. С. Залогин. Моря СССР. Изд-во Моск. ун-та, 1982.