Григорьева Дарья Никитична

Ӳкерчĕк:Григорьева Дарья Никитична.gif
Çуралнă вăхăт	1913, пуш, 4
Çуралнă вырăн	Туктамăш, Кăрмăш уесĕ, Чĕмпĕр кĕперни
Вилнĕ вăхăт	2001, нарăс, 19
Вилнĕ вырăн	Туктамăш ялĕ, Хĕрлĕ Чутай районĕ, Чăваш Ен, РФ
Гражданлăх	Раççей Федерацийĕ Раççей Федерацийĕ
Пăхăнулăх	СССР  Раççей Патшалăхĕ
Премисемпе чысланисем

Дарья Никитична Григорьева (4.3.1913, Туктамăш, Кăрмăш уесĕ, Чĕмпĕр кĕперни, Раççей империйĕ — 19.2.2001,Туктамăш ялĕ, [[Хĕрлĕ Чутай районĕ, Чăваш Ен, РФ) — Свердловск облаçĕ, Шурă Çыр районĕ, «Храмцево» совхоз) — доярка, Социализм Ĕçĕн Паттăрĕ (1966).

Биографи

1913 çулхи пушăн 4-мĕшĕнче ялти çĕр ĕçĕпе пурăнакан йышлă çемьере Чĕмпĕр кĕпернин Кăрмăш уесĕнчи (халĕ — Чăваш Республикин Хĕрлĕ Чутай районĕ) Туктамăш ялĕнче çуралнă. Амăшĕ вилнĕ хыççăн, килте хуçалăха тытса пымалла пулнипе, шкула çӳреме пăрахнă.

1936 çулта упăшкипе пĕрле Свердловск облаçне куçса кайнă, унта Шурă Çыр районĕнчи «Храмцево» колхозра поварта ĕçленĕ. Тăван Çĕршывăн Аслă вăрçи тапхăрĕнче трактор çине ларнă. Вăрçă вĕçленсен ĕне фермине ĕçе куçнă. 1960 çулта кашни ĕнерен 5 пин литр сĕт суса илнĕ. Çак фермăра ĕçленĕ тапхăрта пĕр миллион çурă литр сĕт суса илнĕ. Ял хуçалăхĕнче питĕ лайăх ĕçленĕшĕн 1966 çулта хастар хĕрарăма Социализм Ĕçĕн Паттăрĕ ячĕпе тивĕçтернĕ.

Темиçе хутчен Пĕтĕм Союзри куравсене хутшăннă.

1992 çулта тăван яла таврăннă та 2001 çулта виличченех пурăннă.

Чыслани

• Социализм Ĕçĕн Паттăрĕ — СССР Аслă Канашĕн Президиумĕн 1966 çулхи пушăн 22-мĕшĕнчи хутайĕпе,
• «Çурлапа Мăлатук» медаль (1966);
• Ленин орденĕ (1966)

Асăнмалăх

• Хĕрлĕ Чутай ялĕнче Çĕнтерӳ лапамĕнче Дарья Григорьевăна асăнса мемориал хăмине вырнаçтарнă.

Литература

• Чувашская энциклопедия Архивленĕ 1 Раштав уйӑхӗн 2020 çулта.

Каçăсем

• Биография
• Культурно-историческое наследие села Архивленĕ 4 Пуш уйӑхӗн 2016 çулта.