Хĕрлĕ Чутай районĕ

	Хĕрлĕ Чутай районĕ
Герб;	Ялав;
Патшалӑх	РФ
Статус	муниципаллă район
Кĕрет	Чăваш Ен
Администраци центрӗ	Хĕрлĕ Чутай чиркӳ ялĕ
Йӗркеленӗ вӑхӑт	1927, авăн, 5
Район администрацин пуçлăхĕ	Башкиров Александр Викторович
Пурӑнан халӑх;	19 788 çын (14-мĕш вырăн
Йышлӑх	29,2 ҫын/км²
Лаптӑк	691,6 км² (14-мĕш вырăн)
Вӑхӑт тӑрӑхӗ	MSK (UTC+3)
Телефон кочӗ	+7 83557
Почтӑ индексӗсем	429240
Сайчĕ

Хĕрлĕ Чутай районĕ, — Чăваш Республикин (РФ) администрациллĕ-территориллĕ виçи тата муниципаллă йĕркеленĕвĕ (муниципаллă район).

Чăваш Енĕн çурçĕр-анăç енче вырнаçнă. Лаптăкĕ — 691,6 км², çурçĕр енчен кăнтăралла тата анăç енчен тухăç еннелле 36 çухрăма тăсăлнă. Хĕвел анăç енче Сар юханшывĕ тăрах Чулхула облаçĕпе чикĕ иртет. Çурçĕр енче Етĕрне районĕ, тухăç енче — Элĕк районĕ, кăнтăр енче Çĕмĕрле районĕ вырнаçнă.

Район администрацийĕ Хĕрлĕ Чутай салинче вырнаçнă. Районăн кулленхи кăларăмĕ — Пирĕн пурнăç хаçат.

Çутçанталăк

Район чăваш плато çинче вырнаçнă. Район варрипе çурçĕн енĕпе пĕчĕк юханшывсемпе çырмасемпе нумай тĕл пулаççĕ.

Çĕр айĕнчи пурлăхсенчен кунта хăйăр, кирпĕч тума юрăхлă суглиноксем тĕл пулаççĕ.

Кăрлач уйăхĕн вăтам температури -12,2°С танлашать, утă уйăхĕнче — 18,7 °C. Чи сивĕ температурăна кунта -44 °C паллă тунă, чи ăшшине — 37 °C. Çул тăршшĕпе 492 мм юр-çумăр çăвать.

Районăн 33% вăрмансем йышăнаççĕ. Ытларах пайĕпе кунта юман (55%), вĕрене, каврăç, ильм тĕл пулать.