Искей Пайтулĕ

Искей Пайтулĕ (Хоракасси ялĕ, Çĕрпӳ уесĕ, Хусан кĕпĕрни — (Чиканкасси ялĕ, Шупашкар уесĕ, Хусан кĕпĕрни) — XVII ĕмĕр варинче пурăннă паттăр чăваш кĕрешӳçи, паллă та чаплă юрăçă.

Пурнăçĕ, ĕçĕсем

Искей Пайтулĕ Çĕрпӳ уесĕн Хоракасси ялĕнче çуралнă. Степан Разин пăлхавне хутшăннă. Хăюллă та маттур çапăçнăшăн полковник ятне тивĕçнĕ. Чăвашсем, Пайтул ертсе пынипе, Царицына илнĕ, Аçтăрхан патне çитнĕ.

Пайтула вилтăпри Шупашкар районĕн Чемурша ял тăрăхĕнчи Чиканкасси ялĕ патĕнче пулать .

Искей Пайтулĕн юррисем

• "Хупăрларĕç виçĕ хут";
• "Эй, çилсем, кăра çилсем";
• "Тăшман куçĕ кучан пек";
• "Пире паяр çĕнес çук";

Пайтул çинчен хывнă юрă

Вунçиччĕре чухне Пайтул

Пăлан ураллă пулнă, теççĕ.

Унтан та хăвăрт çӳрекен

Никам та нихçан та пулман, теççĕ.

Вунçиччĕре чухне Пайтул

Упа пек вăйлă пулнă, теççĕ.

Унтан вăйли те çĕр çинче

Никам та нихçан та пулман, теççĕ.

Вунçиччĕре чухне Пайтул

Хăлат пек куçлă пулнă, теççĕ.

Унтан та ытла тĕл перекен

Никам та нихçан та пулман, теççĕ.

Вунçиччĕре чухне Пайтул

Ăмăртпала ăмăртнă, теççĕ.

Çунат хушса вăл тӳпене

Таçта çити çĕкленнĕ, теççĕ.

Асăнмалăх

• Тĕнчери Искей Пайтулĕ ячĕллĕ литература премийĕ

Вуламалли

• Юхма Мишши, "Авалхи чăвашсем", 1996, Шупашкар.
• Валем Ахун, "Палнай", 1973.
• "История Чувашской АССР", 1966.

Каçăсем

• Пайтул сăввисем
• Степан Тимофеевич Разин пирки 2012 ҫулхи Нарӑс уйӑхӗн 5-мӗшӗнче архивланӑ.
• Искей Пайтулĕ паттăр вилнĕренпе 340 çул çитрĕ