Крепков Пётр Егорович

Крепков Пётр Егорович
Çуралнă вăхăт	1892
Çуралнă вырăн	Чĕмпĕр кĕперни, Пăва уесĕ, Кивĕ Тăваньял ялĕ
Вилнĕ вăхăт	1918
Вилнĕ вырăн	Йăлăм Патăрьел ялĕ
Гражданлăх	Раççей империйĕ, Раççей Федерацийĕ

Крепков Пётр Егорович (1892-1918) — çар çынни, граждан вăрçин паттăрĕ.

Пурнăçĕ

Кивĕ Тăваньял ялĕнче çуралса ÿснĕ. 1906-мĕш çулта Хурăнвар шкулĕнчен вĕренсе тухсан килĕнче пурăннă, учитель ятне илес тесе экзамена хатĕрленнĕ. 1909 çулхине вунтăххăрти каччă Чĕмпĕр гимназийĕнчен ялти учитель ятне илме экстерн майпа (васкавлă) экзамен тытать. Пĕрремĕш Тĕнче вăрçи пуçланиччен Ишлĕ тата Татмăш шкулĕсенче вĕрентевçĕ ĕçлет.

1914-17-мĕш çулсенче — Кавказ фронтĕнче. Çавăн пекех вăл Тифлисри прапорщиксен шкулĕнчен вĕренсе тухать. 1918-мĕш çулта Пăва уесĕн çар комиссарĕн çумĕ пулса тăрать тата çар комиссарĕн ĕçĕсене туса пырать. Хальхи Патăрьел районĕчи Йăлăм Патăрьел çывăхĕнче шурă çарçăсемпе пулса иртнĕ çапăçура пуçне хунă.

Çавăн пекех пăхăр

• Граждан вăрçи.

Асăнмалăх

• Йăлăм Патăрьелĕнчи палăк тата асăну комплексĕ.
• Йăлăм Патăрьел çывăхĕнче вилнĕ хĕрлĕ çарçăсене пытарнă вырăн — Ыхраçырми текен шывăн сылтăм çыранĕ (Патăрьел районĕн территорийĕ).
• Крепков ячĕллĕ агройĕркелĕм-кооператив.

Ун ячĕпе хисепленкен урамсем:

• Тутарстанти Çĕпрел районĕнчи Кивĕ Тăваньял ялĕнче.
• Патăрьелĕнче.
• Йăлăм Патăрьелĕнче.
• Шупашкарта.
• Татмăшра (Патăрьел районĕ).
• Ишлĕре (Патăрьел районĕ).

Вуламалли

• Евдокимов, Николай Евдокимович (1893-1964). Крепков : повеҫ : [Петр Егорович Крепков граждан вӑрҫи паттӑрӗ ҫинчен] / Н. Е. Евдокимов ; [ Ю. П. Петров ред. ; А. Т. Скворцов ӳнерҫи]. - Шупашкар : Чӑваш АССР кӗнеке издательстви, 1964. - 106, [2] с. : ил. - Б. ц.

Каçăсем

• Публикации » Крепков Ишлĕсене те çывăх.