Линкка-линкка (юрă)

«Википеди» ирĕклĕ энциклопединчи материал
Перейти к навигации Перейти к поиску
Линкка-линкка
Шăрантаракан Типшем Сашук Feat Юрату Ру[1]
Жанр ташă юрри
Автор фольклорла хайлав (авторĕ паллă мар), çав вăхăтрах Ф.П.Павлов тата ыттисем майлаштарнă версисем те (оригиналла хайлавсем) пур

Линкка-линккаXX ĕмĕр вĕçĕнче халăхра, çавăн пекех чăвашсем хушшинчи юрăçсен, пултарулăх ушкăнĕсен репертуарĕсенче анлă сарăлнă юрăсенчен пĕри. Кам ăсталани, текст тата кĕвĕ вăхăт иртнĕ майăн еплерех аталанса пыни паллă. мар. Эппин, ку хайлава фольклор палăрăмĕ темелле. XXI ĕмĕрти тăрăм пирки уçăмлăнах калама çук. Чи паллă чăваш халăх юррисенчен пĕри пулса юлать. Çав вăхăтрах Ф.П.Павлов майлаштарнă верси те (оригиналла хайлав) пур. Юрă пулнинчен ытларах ташă кĕвви (юрри) пек шутланать темелле.

Ташă кĕввишĕн çумне майлаштарнă юррăн сăвви пирки[тӳрлет | кодне тӳрлет]

    Линкка-линкка авкаланма
    Юман хăма кирлĕ.
    Халь те юман, халь те юман,
    Тата юман кирлĕ.
    
    Йăкăш-йăкăш шукалама
    Яка хăма кирлĕ.
    Халь те яка, халь те яка,
    Тата яка кирлĕ.
    
    Ик аллăма сулкалама 
    Кĕмĕл çĕрĕ кирлĕ.
    Халь те кĕмĕл, халь те кĕмĕл,
    Тата кĕмĕл кирлĕ.
    
    Чуп-чуп чуптума 
    Чипер ача кирлĕ.
    Халь те чипер, халь те чипер,
    Тата чипер кирлĕ.

Фольклор хайлавĕ пулнăран, ку сăввăн варианчĕсем те пулнă, халĕ те пур. Илсе кăтартнă текста чи анлă сарăлнă вариантсенчен пĕри тесе ăнланмалла.

Юррăн кĕвви[тӳрлет | кодне тӳрлет]

Халăх кĕвви темелле. Анчах та ăна Ф.П.Павлов композитор та ятарласа майлаштарнă. Вăл вара оригиналлă япаласен шутне кĕрет. А.А.Егоров (1934) тата Ю.В.Васильев (1976) майлаштарăвĕсем те пур.

Юррăн кунçулĕ[тӳрлет | кодне тӳрлет]

Мусăк тĕпчевçисен шучĕпе ку хайлав ытлашши кивĕ (ватă) япала та мар[2].

Хайлав — юрăçсен, пултарулăх ушкăнĕсен репертуарĕнче[тӳрлет | кодне тӳрлет]

Асăрхавсем[тӳрлет | кодне тӳрлет]

Каçăсем[тӳрлет | кодне тӳрлет]