Пăрăнтăк

«Википеди» ирĕклĕ энциклопединчи материал
Перейти к навигации Перейти к поиску
Пăрăнтăк

Пăрăнтăк йывăрăшĕ çĕр грамм таран пулать, хӳри кĕлеткинчен кăшт кăна кĕскерех. Пакшана аса илтерет, анчах унпа танлаштарсан унăн çурăмĕ çинче хура йăрăмсем пур. Пăрăнтăк пирĕн республикăра сайра тĕл пулакан чĕрчун. Ăна Атăлăн сулахай çыранĕнче кăна курма пулать. Йывăç çинче хăйне аван туять пулин те, пăрăнтăк вăхăтне ытларах çĕр çинче ирттерет. Йăвине те, çĕр çинчех, ӳкнĕ йывăç айне çĕр чавса тума тăрăшать. Йăвинчи çулсен тăршшĕ 2-3 метра çитет. Унта ялан тенĕ пекех икĕ пӳлĕм: пĕринче — апат запасĕ, тепринче — çывăрмалли вырăн. Апат çиме пăрăнтăк йăвинчен кăнтăрла кăна тухать. Каçхине йăвинче выртать. Хĕллехи вăхăтра пăрăнтăк — тутлă ыйхăра. Ака уйăхĕнче вăранса тухать те юпа уйăхĕнче хĕл каçма выртать. Çурисем 5 таран пулаççĕ, 3-4 уйăхран хăйсем тĕллĕн пурнăма тытăнаççĕ.