Пиçĕлĕх модулĕ

Пиçĕлĕх модулĕ — хытă ĕскерĕн, пиçĕ деформаци хыççăн, тулашри вăй витĕмĕ пĕтсен, малтанхи тăрăма таврăнма пултараслăхне кăтартакан темиçе физикăлла капăн пĕрлештерÿллĕ ячĕ. Пиçĕ деформаци талккăшĕнче ĕскерĕн пиçĕлĕх модулĕ, пĕтĕмĕшле илсен, хиврелĕхрен килет тата çав хиврелĕхĕн деформацирен килекен функцийĕн тăхăмĕпе (градиентпа), урăхла каласан, хиврелĕх-деформаци диаграмминчи линилле пайвырăнăн тайăлăвĕн кĕтесĕн тангенсĕпе, палăрса тăрать:

E\ {\stackrel {\text{def}}{=}}\ {\frac {d\sigma }{d\varepsilon }}

кунта:

E — пиçĕлĕх модулĕ;
$\sigma$ — вăйăмри вăй çуратакан механикăлла хиврелĕх, вăл хайхи вăйа çав вăй тивекен лаптăк çине пайланипе тан;
$\varepsilon$ — ĕскерĕн хиврелĕхе пула пиçĕ деформацийĕ (ĕскер хапин улшăнăвне малтанхи хапа çине пайланипе тан).