Тенюшев Иван Яковлевич

«Википеди» ирĕклĕ энциклопединчи материал
Перейти к навигации Перейти к поиску
Иван Тенюшев
Çуралнă вăхăт: 1923, кăрлач, 19
Çуралнă вырăн: Алманчă ялĕ, Патăрьел районĕ, Чăваш АССР
Вилнĕ вăхăт: 2016, нарăс, 14
Вилнĕ вырăн: Чăваш АССР, Шупашкар
Гражданлăх: Flag of the Soviet Union.svg СССР Flag of Russia.svg РФ
Ĕçлев тĕсĕ: проза, очерк
Ĕçсен чĕлхи: чăваш

Тенюшев Иван Яковлевич (1923, 19, кӑрлач, Патӑрьел районӗ, Алманчӑ - 2016, 14, нарӑс, Шупашкар) - журналист, çыравçă.

Кун-çулĕ[тӳрлет | кодне тӳрлет]

1923 çулхи кăрлачăн 19-мĕшĕнче Патăрьел районĕнчи Алманчă ялĕнче çуралнă.

1939-мĕш çулта Патăръел педагогика училищине пĕтерет. 1939-1940 - мĕш çулсенче Елчĕк районĕнчи Аслă Пăла Тимеш пуçламăш шкулĕнче, 1940-1942- мĕш çулсенче

Шăмалакри 7-çул вĕренмелли шкулта вĕрентнĕ.

Хĕрлĕ Çара 1942 çулта кайнă. Виçĕ хут аманнă. Хастар çапăçнăшăн Конев И.С. маршалтан тав сăмахĕ илтнĕ.

Вăрçă хыççăн тĕрлĕ вырăнта ĕçленĕ: Патăръел район хаçачĕн яваплă секретарĕ, "Молодой коммунист" хаçат редакторĕ. ССКП Чăваш обкомĕн пичет,телекурав тата радиокалаçу секторĕн пуçлăхĕ.

1951-1955- мĕш çулсенче Чăваш педагогика институтĕнче («Русский язык и литература») вĕренет.

1962 -1964- мĕш çулсенче Мускаври Аслă парти шкулĕнче журналистика факультетĕнче вĕренет.

1963 çулта вăл Чăваш патшалăх университетĕнче чăваш журналисчĕсене хатĕрлеме тытăннă.

Истори ăслăхĕсен кандидачĕ, доцент. Ӑслăлăх енĕпе декан çумĕ, литература тӳрлетӗвӗпе стилистика кафедрин пуçлăхĕ пулнă.

Вуннă çул хушши Чăваш республикин пĕрлĕх корреспонденчĕсен университетне ертсе пынă. Чăваш патшалăх университетĕнче нумай çул хушши вăрçă ветеранĕсен пĕрлешĕвне ертсе пынӑ.

Ӗçĕсем[тӳрлет | кодне тӳрлет]

Журналистика историйӗ, теорийӗ тата практики енĕпе вунă ытла кĕнеке пичетленĕ. Илемлӗ литература хайлавӗсем те калӑпланӑ.

  • Чăваш АССРĕнчи ялкорсен массaллa рейчĕсем. - Шупашкар: ЧувГУ им. И.Н. Ульянова, 1983.
  • Тенюшев, И. Я. Вĕсем виççĕн çеç юлчĕç : роман / Шупашкар : Чăваш кĕнеке изд-ви, 2008. – 591 с.
  • Чăвашсен малтанхи публицисчĕсем. - Шупашкар: Чувашкнигоиздат, 1987. (çак кĕнекешĕн С.В.Эльгер премине илнĕ).
  • Чăваш публицистикипе журналистикин аталану тапхăрĕсем. - Шупашкар: - ЧувГУ им. И.Н. Ульянова, 2004

Чыславсем[тӳрлет | кодне тӳрлет]

  • Хĕрлĕ Çăлтăр орденĕ.
  • Тăван Çĕршывăн Аслă вăрçин 1-мĕш шайри орденĕ.
  • "300 лет российской прессы" аcăнмалли паллă.
  • Чăваш республикин культура тава тивĕçлĕ ĕçченĕ (1998).
  • Вучах хаçатăн Алексей Талвир парни (1992).
  • Журалистсен Ҫ. Элекр премийӗн лауреачӗ (1987

Вуламалли[тӳрлет | кодне тӳрлет]

  • Данилов А.П. Журналистами становятся по призванию. Творческая деятельность Ивана Яковлевича Тенюшева. Чебоксары: Изд. Чувашского ун-та, 1998.
  • Журналисты Чувашии. Сборник статей и очерков. - Чебоксары: Чуваш. кн. изд-во, 2005. - 207 с.: ил.
  • Данилов, А. Тиенӗ лавӗ çăмăл мар : Иван Тенюшев 90 çул тултарчӗ / А. Данилов // Тӑван Атӑл. – 2013. – № 1. – С. 96-97 : сӑн ӳкерчӗк.
  • Тенюшев, И. ЧР культурăн тава тивӗçлӗ ĕçченĕ Иван Тенюшев : [асаилӳсем] / И. Тенюшев ; пичете А. Сенькова хатĕрленĕ // Тӑван Атӑл. – 2013. – № 5. – Прил.: с. 2-11 : сӑн ӳкерчӗксем. –- (Сунтал. Автограф).
  • Призвание длиною в жизнь : [о журналисте Иване Яковлевиче Тенюшеве] // Совет. Чувашия. – 2013. – 18 янв. – С. 3.

Каçăсем[тӳрлет | кодне тӳрлет]