Воронов Станислав Кириллович

	Станислав Кириллович Воронов
Çуралнă вăхăт	1957 çул, çурла, 20
Çуралнă вырăн	Тури Хурасан ялĕ; Элĕк районĕ; Чăваш АССР ; РСФСР СССР
Пăхăнулăх	СССР; Раççей Федерацийĕ
Çар ăрачĕ	ФХХ
Хĕсмет çулĕсем	1982-хал. вăх.
Хисеп	Генерал-лейтенант
Çапăçусем/вăрçăсем	Афган вăрçи
	«СССР ХВ хĕсметре тăнăшăн» 3-мĕш степеньлĕ орденĕ
	Тĕнчери "Russian ArtWeek 2010" ӳнер академин Гран-при

Воронов хушаматлă урăх çынсем çинчен Википедире статьясем пур.

Воронов Станислав Кириллович (1957 çулхи авăн уйăхĕн 20-мĕшĕнче Чăваш Енĕн Элĕк районĕнчи Тури Хурасан ялĕнче çур.) — РФ патшалăх хăрушсăрлăх хĕсмечĕн генерал-лейтенанчĕ, Раççей ӳкерçисен пĕрлешĕвĕн пайташĕ, Мускав тулашĕн ӳкерçисен пĕрлешĕвĕн пайташĕ.

Пурнăçĕ

Станислав Воронов 1957 çулхи авăн уйăхĕн 20-мĕшĕнче Чăваш Енĕн Элĕк районĕнчи Тури Хурасан ялĕнче çуралнă.

1979 çулта Хусан университечĕн юридици факультечĕнчен вĕренсе тухнă та Чăваш Республикин Прокураторине ĕçлеме килнĕ, Район прокурорĕн пулăшуçи, тĕпчекен прокурор пулса тăрăшнă.

1994-1999 çулсенче — Чăваш Республикин Хăрушсăрлăх министрĕ. 1999 çулхи чӳк уйăхĕнче Мускава ĕçе куçать, Раççей Федерацин ХФХ Тĕпчев управленин пуçлăхĕн çумĕ пулса тăрать.

1982 çултанпа патшалăхăн хăрушсăрлăх уйрăмĕсенче, прокуратурăра ĕçленĕ. Икĕ çул Афганистанра хĕсметре тăнă. 1994-1999 çулсенче — Чăваш Енĕн хăрушсăрлăх министрĕ. 1999 çулхи чӳк уйăхĕнче — Раççей Федерацин Федераллă Хăрушлăхсăрлăх Хĕсметĕн Тĕпчев ĕçĕсен уйрăмĕн пуçлăхĕн пĕрремĕш çумĕ.

2001 çулта РФ ФХХ Эрпӳлĕхĕнче ертӳçссене хатĕрлекен аслă курсĕнче вĕренет.

2002 - 2005 çулсенче Станислав Воронов Беларуç Республикинчи РФ элчелĕхĕн пĕррремĕш секретарĕ пулса тăрăшать.

2005 - 2007 çулсенче УАО «Сухой компанинче» ĕçре, Тĕп директорăн хăрушсăрлăх çумĕ.

2007 çултанпа халиччен — УАО «Сухой» Авиаци холдинг компанин» хăрушсăрлăх енĕпе вице-президенчĕ^[1].

Çемьере иккĕ ачана ӳстерет.

Политикăри ĕç-хĕлĕ

Чăваш Республики президенчĕн 2001 çулхи суйлавĕнче президент вырăнĕшĕн кĕрешнĕ, суйлав пĕтĕмлетĕвĕпе, виççĕмĕш вырăна, Н. Федоровпа (1-мĕш вырăн) тата Шурчанов (2-мĕш вырăн) хыççăн, тухнă.

Пултарулăх ĕçĕсем

2008 çулта унăн куравĕсем Португалире (Лиссабон) тата Германире (Мюнхен) иртнĕ. 2012 çулта Шупашкарта ӳнер музейĕнче С. Вороновăн куравĕ уçăлнă^[2].

Чыславсемпе парнесем

«СССР Хĕçпăшаллă Çарĕсенче хĕсметре тăнăшăн» 3-мĕш степеньлĕ ордена, медальсене тивĕçнĕ.
Тĕнчери "Russian ArtWeek 2010" ӳнер академин Гран-при
Раççей сăрăçĕсен пĕрлешĕвĕн кĕмĕл тата бронза медалĕсем

Вуламалли

"Аликовская энциклопедия", редколлеги: Ефимов Л.А., Ефимов Е.Л., Ананьев А. А., Терентьев Г. К., Шупашкар, 2009, ISBN 978-5-7670-1630-3.

Асăрхавсем

^ Вице-президент ОАО «ОАК» Воронов Станислав Кириллович 2013 ҫулхи Авӑн уйӑхӗн 16-мӗшӗнче архивланӑ.
^ Шупашкарта ПХХ Чăваш Республикинчи экс-пуçлăхĕн пайăр куравĕ уçăлнă

Каçăсем

СТАНИСЛАВ ВОРОНОВ, «НИ ОДИН ПРЕСТУПНИК НЕ УЙДЕТ ОТ ОТВЕТСТВЕННОСТИ», интервью

[1] Вице-президент ОАО «ОАК» Воронов Станислав Кириллович 2013 ҫулхи Авӑн уйӑхӗн 16-мӗшӗнче архивланӑ.

[2] Шупашкарта ПХХ Чăваш Республикинчи экс-пуçлăхĕн пайăр куравĕ уçăлнă

[1]

[2]