Кусар пулă

«Википеди» ирĕклĕ энциклопединчи материал

Кусар пулă е Хăçах лат. Pelecus cultratus - карп йышне кĕрекен пулă. Кĕлетки çӳхе те вăрăм – 50 сантиметра çитме пултарать, йывăрăшĕ – 600 грама. Кусар пулă хăвăрт ӳсекен пулă: 5 çулхискер – 150-200 грама çитет.

Ку пулă кĕмĕлтерех тĕслĕ. Çурăмĕ симĕсрех. Хуппи çӳхе, вĕтĕ, хăвăрт тăкăнать. Кĕлеткин аяккипе авкалачăк йĕр пур.

Вăлчине кусар пулă шыв çинех сапать. Пулă тĕввисем шывпа юхнă майăн аталанаççĕ.

Тăранасса кусар пулă вак пулăсемпе, çурăм шăммисĕррисемпе тăранать. Шыв лĕпĕшĕ тухнă вăхăтра ăна кăна тытать.

Кусар пулă тытма вăлта йăппи çине ăман е шăна тирсен лайăх.

Галерея[тӳрлет]

Кусар пулă марка çинче Типĕтнĕ аçтăрхан кусар пулли

Вуламалли[тӳрлет]

Игнатьев Н.Г., Шабалкин В.М. Чăваш ен чĕр чунĕсем. — Чăваш кĕнеке издательстви. — ISBN 5-7670-1021-8

Каçăсем[тӳрлет]