Ла Скала

«Википеди» ирĕклĕ энциклопединчи материал
Disambig gray.svg Çак терминăн урăх пĕлтерĕшсем пур, Ла Скала (пĕлтерĕшсем) пăхăр.
Ла Скала
XIX century print, Piazza della Scala, Milano.jpg
Директор Стефан Лисснер
Тĕп дирижёр Даниэль Баренбойм[1]
Тĕп балетмейстер Махар Вазиев
Тĕп хормейстер Бруно Казони
Сайт teatroallascala.org
Ла Скала Викиампарта

«Ла Скала» (итал. Teatro alla Scala е La Scala) — Миланри опера театрĕ. Театр çуртне Джузеппе Пьермарини архитектор проекчĕпе 1776—1778 çç. Санта-Мария делла Скала чиркĕвĕ тăнă вырăнта туса лартнă, çакăнтан театрĕн ячĕ те пулса кайнă.

Ла Скала çĕрле.

2001 çулта «Ла Скала» театрĕн çуртне вăхăтлăха реставрацие хупнă, çавăнпа мĕнпур оперăна ятарласа тунă Арчимбольди театр çуртне куçарнă. 2004 çултанпа юсана тăван киле таврăннă, Арчимбольди ĕнтĕ «Ла Скала» пĕрле ĕçлекен уйрăм театр пулса тăнă.

Кун-çулĕ[тӳрлет]

XVIII ĕмĕрĕн вĕçĕнче — XIX ĕмĕрĕн пуçламăшĕнче театр репертуарĕнче П. Анфосси, П. Гульельми, Д. Чимарозы, Л. Керубини, Дж. Паизиелло, С. Майр итал композиторĕсен оперисене лартнă.

Театр сцени çинче Дж. Россини режиссёрăн «Пробный камень» (1812), «Аврелиан в Пальмире» (1813), «Турок в Италии» (1814), «Сорока-воровка» (1817) тата урăххисен премьерисем иртнĕ (вĕсенчен пĕрринче Италире Каролина Унгерăн дебючĕ пулнă), çаплах Дж. Мейерберăн «Маргарита Анжуйская» (1820), «Изгнанник из Гренады» (1822) оперисен премьерисем иртнĕ , çаплах Саверио Меркаданте хăйĕн ĕçĕсене кăтартнă.

1830-мĕш çулсече театр репертуарĕнче Г. Доницетти, В. Беллини, Джузеппе Верди, Дж. Пуччини пултарулăхне кăтартаççĕ, кунтах пĕрремĕш ăстрăм Беллини хайланă «Пират» (1827) тата «Норма» (1831) оперисем, Доницетти композиторăн «Лукреция Борджа» (1833), Верди «Оберто» (1839), «Набукко» (1842), «Отелло» (1887) тата Пуччинин «Фальстаф» (1893), «Мадам Баттерфляй» (1904) тата «Турандот» оперисем кун çути курнă.

Иккĕмĕш Тĕнче вăрçи вăхăтĕнче театр çуртне ишĕлтернĕ. Малтанхи тĕсне Л.Секки инженер проекчĕпе çĕнетсе тунă хыççăн театр каллех 1946 çулта уçăлать.

Театр çуртне темиçе хутчен те юсанă. Юлашкия реставраци виççĕ çул пынă, ун чухне 61 миллион евро ытла тăкакланă. Çĕнетнĕ сцена çинче 2004 çулхи раштавăн 7-мĕшĕнче Антонио Сальери хайланă «Йышăннă Европа» оперăна кăтартнă.

«Ла Скала» (итал. Teatro alla Scala е La Scala) — опера культурин тĕнчери центрĕ.

Чаплă юрăçсем[тӳрлет]

Асăрхавсем[тӳрлет]