Тихонов Виктор Васильевич

«Википеди» ирĕклĕ энциклопединчи материал

Виктор Васильевич Тихонов, — паллă совет хоккеисчĕ, хоккей тренерĕ. 1930 çулхи çĕртме уйăхĕн 4-мĕшĕнче Мускавра çуралнă.

СССР, РСФСР тата Латви ССРĕн тава тивĕçлĕ тренерĕ.

Пурнăçĕ[тӳрлет]

Виктор Тихонов тренер ĕçне 1971 çулта «Динамо» (Рига) клубра пуçланă. Унччен 8 çул хушши Мускав хулин «Динамо» клубăн тĕп тренер Чернышов чĕннипе тренера пулăшаканĕ пулса ĕçленĕ, çав вăхăтрах хăй те вылянă. Ригăра вăл пысăк ӳсĕмсем тунă, иккĕмĕш лигăран пĕрремĕш лигăна, унтан Пысăк лигăна хăпартнă, СССР Чемпионатĕнче 4-мĕш вырăнне йышăннă.

1977 çултанпа Тихонов ЦСКА тренерĕ вырăнне йышăннă. 15 çул хушшинче ЦСКА, Тихонов ертсе пынипе, 14 хутчен çĕршыв чемпионĕ пулнă, 14 хутчен Европа чемпионĕсен Кубокне, икĕ хутчен СССР Кубокне çĕнсе илнĕ. Вăл вăхăтра ЦСКАра вылякансем Вячеслав Фетисов, Алексей Касатонов, Владимир Крутов, Игорь Ларионов, Сергей Макаров, Валерий Каменский, Сергей Фёдоров, Александр Могильный тата Павел Буре тĕнче шайĕнчи паллă хоккеистсем пулса тăнă.

1977 çулта Виктор Тихонов СССР хутăш ушкăнăн тренерĕ. Вăл ертсе пынипе вăл ушкăн 1978, 1979, 1981, 1982, 1986, 1989, 1990, 1993 çулсенче тĕнче шайĕнчи чемпионатсенче, 1978-1991 çулсенче Европа чемпионачĕсенче çĕнтернĕ.

Тихонов ертсе пынипе виçĕ хут олимп вăйисенче (1984, 1988 тата 1992 çулсенче) çĕнтернĕ. Вăл ертсе пынипех 1981 çулта СССР хутăш ушкăнĕ Канада Кубокне çĕнсе илнĕ.