Чăваш Республикин ялавĕ

Чăваш Республикин ялавĕ
Чăваш Ен
Раççей Федерацийĕ
Йĕркеленĕ	1992, ака, 29
Пропорци	5:8
Ялав авторĕ	Э. М. Юрьев

Чăваш Республикин ялавĕ — чăваш патшалăхĕн ялавĕ, тăваткал пир, енĕсем 5:8 пек пулаççĕ. Ялавăн тĕп палли — «Пурнăç йывăççи» — чăваш халăхĕн вăрăм кун-çӳлĕн палли. Тĕксĕм-хĕрлĕ тĕс пирĕн халăх яланах ирĕклĕхе талпăннине кăтартать, çакă ĕнтĕ халахăн авалхи йăла-йĕркисене, чăвашсен хамăрлăхне питĕ витĕмлĕ палăртать. Ялкăш-сарă тĕс — пĕтĕм тĕнчене пурнăç хаваллакан Хĕвел тĕсĕ. Сакăркĕтеслĕ çăлтăр — чăваш орнаментĕнче питĕ анлă саралнă символ, вăл илемлĕхе тата вĕçĕмлĕ ĕçе пĕлтерет.

Ялавĕн авторĕ — Чăваш Енĕн халăх ӳнерçи Элли Михайлович Юрьев.

Сăрланă тĕсĕсем - тĕттĕм хĕрлĕ тата ылтăн сарă.

	Тĕттĕм хĕрлĕ (Улачă кĕпе)	Сарă (Ылтăн)
CMYK	8, 92, 100, 33	0, 9, 100, 0
Pantone	484 CP	109 CP
RGB	162, 38, 11	255, 223, 0
HEX	#A2260B	#FFDE00

Истори

Чăваш Республикин 1918 мĕш çул ялавĕ.

1920 çулхи çĕртме уйăхĕн 24-мĕшĕнче ВЦИКпа СНК РСФСР декречĕпе Чĕмпĕр кĕпернипе Хусан кĕпернин темиçе уесĕсене пĕрлештерсе Чăваш автономлă облаçне йĕркеленĕ, тĕп хули ятне Шупашкара панă. 1925 çулхи ака, 21 облаç статусĕнчен Чăваш АССРне хăпартнă. 1927 çулхи пуш, 31 II Пĕтĕмчăваш Совечĕсен съезчĕ республика гербне йышăннă, çавăн пекех ялава та йышăннă.

Чăваш патшалăх ялавĕ. 1978 çул.

Хальхи вариант

1990 çулхи юпа, 19 республика ятĕнчен «автономлă» сăмаха пăрахăçланă, юпа, 24 çĕнĕ ята (статуса) палăртнă — Чăваш Республики. Чăваш Енĕн Аслă Канашĕ республика суверенитечĕ пирки пĕлтернĕ. Çакăн хыççăнах нацин çĕнĕ символĕсене хатĕрлес шутпа ăмăрту (конкурс) пуçарнă, анчах та унченех комиссине 100 ытла проектсем ярса панă пулнă. 1992 çулхи ака, 29 Аслă Канаш Йышăнăвĕпе Чăваш республикин ялавĕн Йĕркине çирĕплетнĕ. Çĕнĕ ялав çинчен тĕплĕнех Йĕркен 2-мĕш статьинче вулвмв пулать. Çавăн чухнех Конституцин статьисене те улшăнусем кĕртнĕ.

Герб тата ялав Чăваш Республикин 1997 çулхи утă, 1 «Чăваш Республикин патшалăх символĕсем» саккунĕнче çирĕплетсе палăртнă.

Çав. пекех

• Чăваш Республикин гимнĕ
• Чăваш Республикин гербĕ

Конкурса - 1990 çулта ярса панă ялавĕсем

• 
  Проект Чебоксарского инженера А. В. Павлова
• 
  Проект, предложенный Обществом Чувашской культуры в Эстонской Республике
• 
  Проект А. В. Улангина
• 
  Проект предложенный Закамскими чувашами
• 
  Проект, предложенный Обществом Чувашской культуры в Эстонской Республике 2 вариант

Литература

• А. П. Павлов, Э. М. Юрьев Государственные символы Чувашской Республики (The national emblem of the Chuvash Republic). — Шупашкар: Чувашское книжное издательство, 1995.

Каçăсем

• Чăваш Ен ялавĕ youtube'ри фильм. Чăваш Ен ялавĕ мĕне пĕлтернине кăтартать.
• Чăваш Ен ялавĕ çинчен 2007 ҫулхи Чӳк уйӑхӗн 20-мӗшӗнче архивланӑ., питĕ тĕпленрех геометри кăтартни
• Государственные символы Чувашской Республики (Официальный портал органов власти Чувашской Республики)
• VEXILLOGRAPHIA: Чăваш Енĕн ялаесем
• Схема построения флага (акăлч.)