Родионов Виктор Иосифович

Родионов хушаматлă урăх çынсем çинчен Википедире статьясем пур.

Родионов Виктор Иосифович
Çуралнă вăхăт:	1924, утă, 22
Çуралнă вырăн:	Сĕнтĕрвăрри, Шупашкар уесĕ, Чăваш Ен (халĕ — Чăваш Республики)
Вилнĕ вăхăт:	1987, çу, 19
Вилнĕ вырăн:	Шупашкар, Чăваш Республики, СССР
Гражданлăх:	СССР
Театр:	ЧПАДТ

Виктор Иосифович Родионов (1924 çулхи утăн 22-мĕшĕ, Сĕнтĕрвăрри хули, Сĕнтĕрвăрри районĕ, Чăваш АО, РСФСР — 1987 çулхи çăвăн 19-мĕшĕ, Шупашкар, Чăваш АССР) — чăваш совет театр актёрĕ, мусăкçă, диктор, пĕрлĕх ĕçченĕ.

РСФСР тава тивĕçлĕ артисчĕ (1975), РСФСР халăх артисчĕ (1980), Чăваш АССР тава тивĕçлĕ артисчĕ (1951), чăваш халăх артисчĕ (1968).

Кун-çулĕ

Вăл Чăваш автономи облаçне кĕнĕ Сĕнтĕрвăрри хулинче 1924 çулхи утăн 22-мĕшĕнче пачăшкă кил йышĕнче çуралнă. Шкул çулĕсем Шупашкар районĕнчи Шĕмшер ялĕнче иртнĕ.

1941 çулта Шупашкарти мусăк училищинче вĕренсе тухнă хыççăн чăваш театрĕнче ĕçлеме тытăннă.

Мускаври А. Луначарский ячĕллĕ театр ӳнерĕн патшалăх институчĕн чăваш студинче пĕлӳ пухса таврăнсан Чăваш патшалăх драма театрĕнче ĕçлет. Унта вăл хăйĕн ĕмĕрĕ тăршшипех - пурĕпе тăваттă теçетке çул - тăрăшать. Çав тапхăрта сцена ăсти 350 ытла роле сăнарлать. Яш чухнех вал чăваш чĕлхине çине тăрсах алла илет.

Театрти ĕç-пуçа пăрахмасăрах Виктор Иосифович 11 çул хушши Чăваш республикин тата Шупашкар хулин телерадио дикторĕ вырăнне йышăннă. Пĕрмаях радио- тата телелартăмсене тата фильмсене чăвашла сасă кĕртес ĕçе хутшăннă.

Родионовăн мусăк хайлавĕсене Чăваш патшалах театрĕнчи 21 спектакле кĕртнĕ. 1954–68 тата 1970–86 çулсенче – Пĕтĕм Раççейри театр пĕрлĕхĕн Чăваш уйрăмĕн председателе.

Чыславсемпе парнесем

• Чăваш АССР тава тивĕçлĕ артисчĕ (1951)
• Чăваш халăх артисчĕ (1968)
• РСФСР тава тивĕçлĕ артисчĕ (1975)
• РСФСР халăх артисчĕ (1980)
• К.С. Станиславский ячĕллĕ РСФСР патшалăх парни (1971)
• «Хисеп палли» орден,
• Виктор Родионов урамĕ (Шупашкар).

Вуламалли

• Романов П.В., "Студийцы". Шупашкар, 1982
• Вдовцева Л.П. "Талант – всегда загадка" Шупашкар, 1984.
• Романов, П.В. Студийцы.— Чебоксары: Чуваш.кн.изд-во, 1982.— С91.
• Вдовцева, Людмила Пахомовна 2016 ҫулхи Ака уйӑхӗн 27-мӗшӗнче архивланӑ.. Для театра рожденный: очерк о творчестве артиста Родионова Виктора Иосифовича /Людмила Вдовцева// Талант — всегда загадка: очерки,— Чебоксары: Чуваш. кн. изд-во, 1984.— С.34-С.55. 2016 ҫулхи Ака уйӑхӗн 21-мӗшӗнче архивланӑ.

Каçăсем

• Виктор РОДИОНОВ: "Эпĕ лайăх артист пулатăпах..."
• В Чувашском драматическом театре прошел вечер памяти Виктора Иосифовича Родионова 2019 ҫулхи Авӑн уйӑхӗн 26-мӗшӗнче архивланӑ.
• Чăвашла хăй тĕллĕн вĕренсе халăха тыткăнланă артистăн асăну каçĕ
• Для театра рожденный. Виктор Иосифович Родионов. 2019 ҫулхи Авӑн уйӑхӗн 26-мӗшӗнче архивланӑ.
• В чувашском драмтеатре пройдет вечер-воспоминание выдающегося актера Виктора Родионова 2019 ҫулхи Авӑн уйӑхӗн 26-мӗшӗнче архивланӑ.