Трофимов Захар Трофимович

Трофимов хушаматлӑ урӑх ҫынсем ҫинчен Википедире статьясем пур.

Захар Трофимович Трофимов
Ҫуралнӑ вӑхӑт	1897 çул, пуш уйăхĕн 25-мĕшĕ
Ҫуралнӑ вырӑн	Мăн Ямаш ялĕ Элĕк районĕ Чăваш АССР РСФСР СССР
Вилнӗ вӑхӑт	1961 çулхи нарăсăн 21-мĕшĕ
Вилнӗ вырӑн	Мускав, СССР
Пӑхӑнулӑх	СССР
Хӗсмет ҫулӗсем	1914-1957
Хисеп	Генерал-майор
Ҫапӑҫусем/вӑрҫӑсем	Пĕрремĕш Тĕнче Граждан Иккĕмĕш Тĕнче вăрçисем
Чыславсем тата парнесем

Трофимов Захар Трофимович, — генерал-майор. 1897 çулхи пуш уйăхĕн 25-мĕшĕнче Чăваш Енĕн Элĕк районĕнчи Мăн Ямаш ялĕнче çуралнă. 1961 çулхи нарăс уйăхĕн 21-мĕшĕнче Мускавра вилнĕ.

Пурнăçĕ

Чĕмпĕрти чăваш вĕрентекенĕсен шкулĕнче вĕреннĕ. Пĕрремĕш Тĕнче, Граждан тата Тăван Çĕршывăн Аслă вăрçисене хутшăннă. 1916 çулта прапорщиксен шкулĕнчен, 1927 çулта – М.В. Фрунзе ячĕллĕ Çар академинчен вĕренсе тухнă. 1927-1943 çулсенче – çар училищисемпе академисенче вĕрентнĕ, вăл вăхăтрах 1933 çултанпа – М.В. Фрунзе ячĕллĕ Çар академинче. Вăрçă вăхăтĕнче 58-мĕш тата 120-мĕш стрелк. корпуссен штаб пуçлăхĕ, 329-мĕш, кайран 106-мĕш стрелк. тата 78-мĕш гвард. стрелк. дивизисен командирĕ.

1946-1957 çулсенче – М.В. Фрунзе ячĕллĕ Çар академийĕнчи курссен ертӳçи.

Чыславсемпе парнесем

Ленин, Хĕрлĕ Ялав (виçĕ хут), Суворовăн 1-мĕш степеньлĕ, Хĕрлĕ Çăлтăр, «Шурă Арăслан» (Чехословаки), Грюнвальд (Польша) орденĕсемпе тата медальсене тивĕçнĕ.

Каçăсем

• Л. И. Ефимов Элĕк Енĕ. — Элĕк: 1994.
• Аликовская энциклопедия / редколлегия: Ефимов Л. А., Ефимов Е. Л., Ананьев А. А., Терентьев Г. К.. — Шупашкар: 2009. — ISBN 978-5-7670-1630-3