Шăхаль (Вăрмар районĕ)

Ку терминӑн урӑх пӗлтерӗшсем пур, Шăхаль (пĕлтерĕшсем) пӑхӑр.

Шăхаль Ялав Герб Патшалăх РаççейРаççей Федераци субъекчĕ Чăваш ЕнЧăваш Ен Муниципаллă район Вăрмар Ял тăрăхĕ Шăхаль Наци йышĕ чăвашсем Конфесси йышĕ православсем Этнохороним шăхальсем Вăхăт тăрăхĕ UTC+4 Телефон кочĕ +7 +7 83244 Почтă индексĕ 429411 Автомобиль кочĕ 21, 121 ОКАТО кочĕ 97 205 873 001

Шăхаль, — Чăваш Енĕн Вăрмар районĕнчи ял. Вăрмартан 19 çухрăмра вырнаçнă.

Ялта культура çурчĕ, виçĕ лавкка, ача-пăча сачĕ, çыхăну уйрăмĕ, шкул пур. Шкулĕ 2007-мĕш çултан пуçласа тăхăр класлă шутланать. Кунтах икĕ яла пĕрлештерекен администраци центрĕ вырнаçнă.

Халăх йышĕ

Ялта 562 хуçалăх. Ытларах енĕпе чăвашсем пурнаççĕ. Пĕтĕмĕшле халăх йышĕ 1600 çывхарать.

Кун-çулĕ

Ял ячĕ тутарла: Шах Алей тенинчен пулнă. Ял пилĕк ĕмĕр каялла чăтлăх вăрманти шурлăхлă вырăнта йĕркеленнĕ. Тĕпчевçĕсем каланă тăрăх, ял районта чи ваттисенчен пĕри.

1927 çулчен Çĕрпӳ уесне кĕнĕ. 1926 çулхи юпа уйăхĕн 29 тарин Кавал вулăсне кĕнĕ, кайран вара, районсене туса хуриччен, Вăрмар вулăсне.

1927 çулхи юпа уйăхĕн 1 хыççăн хальхи вăхăтчен Вăрмар районне кĕрет.

Паллă çынсем

Çак ялтан тухнă чăваш культурин ĕçченĕсем:

• Элле Кузьма Васильевич, — историк;
• Г. Пуклакова, — юрăç;
• Н. Пуклаков, —спортсмен;
• Н.П. Иванов, — композитор.

Кунта ĕçленĕ

• Никита Ларионов — чăваш сăвăçи, прозăçи.