Чăваш Республикин Наци библиотеки

Чăваш наци библиотеки. 1987 çулхи сăнӳкерчĕк

Чăваш Республикин Наци библиотеки - пурне те валли универсаллă библиотека, информаци центрĕ. Библиотека фондĕнче 2 миллион ытла виçе, вĕсен шутĕнче 40 пине яхăн чăваш чĕлхипе çырнă кĕнеке.

Адрес: К. Маркс урамĕ, 4-мĕш çурт.

Кун-çулĕ

1870-мĕш çулта çичĕ çын ушкăнĕ кĕпернеттĕр патне библиотека уçма официаллă çыру янă. Ыйтăва уçăмлă татса панă. Малтанах библиотекăна икĕ хутлă йывăç çуртăн аялти хутĕнчи икĕ пӳлĕмĕнче вырнаçтарнă.

1900-мĕш çултан библиотека фондĕнче 3987 кĕнеке шутланнă. 1910-мĕш çулта – 4663. Пĕр пӳлĕмĕнче кĕнекесем упраннă, тепри вулавăш пӳлĕмĕ пулнă. Вулавăш пӳлĕмĕ кашни кун каçхине 5 сехетрен пуçласа 8-чен уçă тăнă. Уяв кунĕсенче кăнтăрла 12 сехетрен пуçласа каçхи 5-чен ĕçленĕ.

Малтан литературăна вулакансене киле паман. 1891-мĕш çултанпа вара каçхи 8-тан пуçласа тепĕр кунăн каçхи 6-чен журналсене килте усă курма ирĕк панă.

Октябрь революциччен библиотекăра чăваш чĕлхипе çырнă кĕнеке-хаçат пулман. Унсăр пуçне библиотекăра чăвашсем çинчен нимĕнле материал та упранман. Библиотека 1906- мĕш çулта кăрлач уйăхĕнчен туха пуçланă пĕрремĕш чăваш "Хыпар" хаçатне те çырăнса илмен пулнă.

1946-мĕш çулăн пуçламăшĕнче библиотека малтанхи К.Иванов урамĕнче Чăваш ĔТК йышăннă вырăнне куçнă. Библиотека фончĕ 93 пине яхăн тома çитнĕ. Коллективра 22 çын ĕçленĕ. Хальхи вăхăтра библиотекăра 116 çын ĕçлет.

Каçăсем

• Библиотекăн сайчĕ
• Национальная библиотека Чувашской Республики