Ахтупай Валентин Степанович

Ахтупай Валентин Степанович (чăн хушамачĕ Степанов), — сăвăç. 1908 çулхи нарăсăн 2 Шупашкар уесĕнчи (халĕ Чăваш Енĕн Сĕнтĕрвăрри районĕ) Шуркасси ялĕнче çуралнă. 2002 çулхи ака уйăхĕн 7 Тюмень облаçĕнчи Озерное салинче вилнĕ.

1939 çултанпа СССР ÇП членĕ шутланать. Тăван çĕршыв вăрçин орденне (1 степеньлĕ), медальсене тивĕçлĕ пулнă.

Пурнăçĕ

Шупашкарти пĕрремĕш типографи çумĕнчи ФЗО шкулĕнче, Мускаври журналистика институчĕнче вĕреннĕ. Шупашкарти пĕрремĕш типографиĕн техника редакторĕ, Чăваш кĕнеке издательствин редакторĕ, «Хĕрлĕ Чăваш Ен» хаçат редакциĕн литература ĕçченĕ вырăнĕнче ĕçленĕ. Тăван Çĕршывăн Аслă вăрçине хутшăннă.

Кĕнекисем

Пичĕтленнĕ кĕнекисем:

• «Ударлă кунсем» (1932);
• «Савăнăçлă пурнатпăр» (1934);
• тата ыттисем.