Именкасси (Красноармейски районĕ)

Именкасси Ялав Герб Патшалăх РаççейРаççей Федераци субъекчĕ Чăваш ЕнЧăваш Ен Муниципаллă район Красноармейски Ял тăрăхĕ Еншик Чуллă Координатсем 55°47′ с. ш. 47°18′ в. д. Пĕрремĕш асăну 1774 Наци йышĕ чăвашсем Конфесси йышĕ православсем Вăхăт тăрăхĕ UTC+4 Телефон кочĕ +7 83535 Почтă индексĕ 429240 Автомобиль кочĕ 21, 121 ОКАТО кочĕ 97 205 873 001

Именкасси (выр. Именево) — Чăваш Республикин Красноармейски районне кĕрекен ял.

Тавралăхĕ

Вăл Шупашкартан 45, Çĕрпӳрен 13 çухрăмра, Мăн Çавал хĕрринче вырнаçнă. 1923 çулччен Чирĕклĕ Именкасси ятлă пулнă.

Халăх йышĕ, ял тытăмĕ

Хальхи вăхăтра ялта 500 яхăн çын пурăнать. Кунта вăтам шкул, çыхăну уйрăмĕ, культура çурчĕ, библиотека пур. Хăй вăхăтĕнче Именкассинче Михаил Архангел чиркĕвĕ пулнă. Сыхланса юлман.

Кун-çулĕ

Ял ячĕ тутар чĕлхинчи имен ("юман") сăмахран йĕркеленнĕ. Историксем каланă тăрăх, Именкасси XII ĕмĕртех пуçланса кайнă. Кунтан куçса кайнă чăвашсем XVII - XVIII ĕмĕрсенелле Патăрьел тăрăхне кĕрекен Именкасси ялне йĕркелесе янă.

1927 çулчен Çĕрпӳ уесĕн Чурачăк вулăсне кĕнĕ.

1927 çулхи юпа уйăхĕн 1 Çĕрпӳ районне, 1935 çулхи пуш уйăхĕн 1 хыççăн Трак районне кĕнĕ. 1940 çулхи çурла уйăхĕн 16 ял Красноармейски районне кĕнĕ. 1962 çулхи раштавăн 20 яла Çĕрпӳ районне кĕртнĕ, 1965 çулхи чӳк уйăхĕн 3 хыççăн хальхи вăхăт таран Красноармейски районне кĕрет.

Паллă çынсем

• Фомин Эдуард Валентинович — чăваш чĕлхин тĕпчевçи, филологи ăслăлăхĕсен кандидачĕ.

Вуламалли

• Шачкин, К. Ф. Чиркӳллĕ Именкасси. Çулсем. Çынсем / К.Ф. Шачкин. - Шупашкар : Çĕнĕ вăхăт, 2007. - 144 с.
• Шачкин, К. Ф. Чиркÿллĕ Именкасси шкулĕ / Константин Филиппович Шачкин. — Шупашкар : Чăваш кĕнеке издательстви, 2001. — 139 с.