Утаркасси

Ку терминăн урăх пĕлтерĕшсем пур, Утар (пĕлтерĕшсем) пăхăр.

Утаркасси Ялав Герб Патшалăх РаççейРаççей Федераци субъекчĕ Чăваш ЕнЧăваш Ен Муниципаллă район Хĕрлĕ Чутай Ял тăрăхĕ [[ял тăрăхĕ|]] Координатсем 55°43′ с. ш. 46°35′ в. д. Наци йышĕ чăвашсем Конфесси йышĕ христиансем Этнохороним утаркассисем Вăхăт тăрăхĕ UTC+4 Телефон кочĕ +7 83535 Автомобиль кочĕ 21, 121 ОКАТО кочĕ 97 205 873 001

Утаркасси (выр. Питишево) — Чăваш Республикин Хĕрлĕ Чутай районĕнчи ял.

Тавралăхĕ

Шупашкара çитме — 109 км, райцентра — 15 км, чукун çул станцине — 44 км. Çыхăну уйрăмĕ, лавкка пур.

Йĕкĕтлĕх, — Утаркассипе Хватукасси хушшинче вырнаçнă вырăн. Ку вырăнта малтан юмансем ларнă, халĕ вĕсене касса пăрахнă. Авал ку вырăнта икĕ ялти каччăсемпе херсем пуçтарăннă. Каччăсем кунта лашасем пăхнă, херсемпе перле вылянă, вăйă картисем тунă. Çамрăксем кунта пĕр-пĕрипе паллашса хăйсем валли мăшăрсем тупнă.

Халăх йышĕ, ял тытăмĕ

Ялта 2010 çул тĕлне 149 кил хуçалăхĕнче 338 çын: 161 арçын тата 177 хĕрарăм пурăннă.

1795 çулта – 41 кил хуçалăхĕ (117 арçын, 166 хĕрарăм); 1869 – 173 арçын, 209 хĕрарăм; 1897 – 88 кил хуçалăхĕ (269 арçын, 276 хĕрарăм); 1926 – 180 кил хуçалăхĕ (441 арçын, 484 хĕрарăм); 1939 çулта – 481 арçын, 603 хĕрарăм; 1979 – 338 арçын, 437 хĕрарăм.; 2002 – 225 кил хуçалăхĕ (462 çын: 207 арçын, 255 хĕрарăм) пурăннă.

1835 çулчен ялти çынсем патшалăхăн, 1863 çулчен удел çыннисем шутланнă; çĕре çинче тырпул туса илнĕ, выльаха ĕрчетнĕ, лăпă тунă.

Истори

Яла Элĕк районĕнчи Питĕш ялĕнчен куçса килнĕ çынсем никĕсленĕ.

XIX ĕмĕрте тата 1920 çулчен Курмăш уесĕн Курмăш, Хĕрлĕ Чутай вулăсĕсене (Курмăш удел приказĕнче – 1835–63) кĕнĕ. 1920-27 çулсенче Етĕрне уесĕн Пандиков, Хĕрлĕ Чутай вулăсĕсем йышĕнче. 1927–62 Хĕрлĕ Чутай районĕнче, 1962–65 çулсенче Çĕмĕрле районĕнче. 1965 çултанпа — Хĕрлĕ Чутай районĕнче.

XX ĕмĕрĕн пуçламăшĕнче 4 çиларманĕ ĕçленĕ. 1931 çулта «Пятилетка» колхоза йĕркеленĕ.