Чăваш патшалăх И. Н. Ульянов ячĕллĕ университечĕ

{{{çĕлĕк}}}
(И. Н. Ульянов ячĕллĕ ЧПУ)
Ӳкерчĕк:Gerbchuvgu.gif
Никĕсленĕ çул	çурла, 17 1967
Ректор	Л.П. Кураков
Юридици адресĕ	428000, Шупашкар, Мускав пр., 15
Сайт	http://www.chuvsu.ru

И. Н. Ульянов ячĕллĕ Чăваш патшалăх университечĕ, — Шупашкарта 1967 çулта йĕркеленнĕ университет, Чăваш Республикин ăслăлăх тĕпĕ.

Факультетсем

Чăваш филологийĕпе культура факультечĕ Ют çĕр студенчĕсемпе ĕçлекен факультечĕ Ют çĕр чĕлхисен факультечĕ Математика факультечĕ Физикăпа техника факультечĕ Экономика факультечĕ Журналистика факультечĕ Юридици факультечĕ Правă, тытăм тата квалификацие ӳстермелли факультечĕ Электроэнергетика факультечĕ Электротехника факультечĕ Радиотехникăпа электроника факультечĕ Информатикăпа шутлав техникин факультечĕ Çурт-йĕр тăвакансен факультечĕ

Машинă тăвакансен факультечĕ Филологи факультечĕ Тытăм тата психологи факультечĕ Географи факультечĕ Истори факультечĕ Стоматологи факультечĕ Сиплев факультечĕ Педиатри факультечĕ Химипе фармацевтика факультечĕ Экономикăпа менеджмент факультечĕ Аслă пĕлӳ илме хатĕрлекен факультечĕ Ӳнерлĕх факультечĕ Дизайн тата компьютер технологисен факультечĕ

Университет кун-çулĕ

1920 çулта революци комитечĕпе Чăваш автономлă облаç Канашĕн I съезчĕ Шупашкар хулинче университет уçас тĕллевшĕн сасăлаççĕ. Анчах çак йышăнăва пурнăçа кĕртесси ăнăçмасть. 1958—1959 çç. каллех çак ыйтăва хускатаççĕ, ку чухне те çак ĕç калаçупа çеç вĕçленет.

Çак вăхăта Чăваш республикинче виçĕ пĕлӳ керменĕ ĕçленĕ:

• Чăваш патшалăх И. Я. Яковлев ячĕллĕ педагогика институчĕ,
• Чăваш ял хуçалăх институчĕ
• Мускав энергетика институчĕн Атăлçи филиалĕ,
• 2 ăслăлăх-тĕпчев институчĕ тата чылай ăсчах-педагоглă урăх ăслăлăх-тупăш тата этеплĕх пĕлӳ керменĕсем.

1967 çулта Чăваш патшалăх университетне 1961 çулта йĕркеленĕ Мускав энергетика институчĕн Атăлçи филиалĕн никĕсĕпе туса хунă.

1967 ç. тĕлне унăн 2 факультетĕнче (электротехника тата промăçлăха электрификацилев) 1300 çын ытла вĕреннĕ. Каçхи тата заочно факультечĕсенче, çав шутра пĕтĕмлĕ техника факультетĕнче те, 3800 пине яхăн студент пĕлӳ пухнă. Вĕсене 200 яхăн çын, вĕсенчен 20 ăслăлăх тухтăрĕпе кандидачĕ, вĕрентнĕ.

Филиалăн лаборатори тĕпĕ, вĕренӳ вырăнĕсем, студентсен общежитийĕсем, библиотека (çĕр пине яхăн том) пулнă, çаплах типографи, шутлав техникин лабораторийĕ, вĕренӳ ăста пӳлĕмĕсем, диплом тумалли кабинечĕсем.

Чăваш университечĕн шутне çаплах Чăваш патшалăх педагогика институчĕн историпе филологи факультетне хушнă. Факультетра 900 студент (350 — кăнтăрла уйрăмĕнче) вĕреннĕ, кунта çӳллĕ квалифициллĕ ăслăлăх-педагогика коллективĕ: 3 профессорпа 30 доцент ĕçленĕ.

Пĕрремĕш çул пĕлӳ керменĕ шутне çак факультетсем кĕнĕ:

• Историпе филологи факультечĕ,
• Медицина факультечĕ,
• Пĕтĕмлĕ техника факультечĕ,
• Хими факультечĕ,
• Экономика факультечĕ,
• Электротехника факультечĕ,
• Промăçлăха электрификацилев факультечĕ.

1968—1969 вĕренӳ çулĕ тĕлнефизикăпа математика факультетне уçнă.

Университета йĕркеленĕ ĕçре Хусан патшалăх университечĕ пысăк пулăшу панă, Шупашкара Хусантан 2 тухтăрпа 10 ăслăлах кандидачĕ куçса килнĕ.

РСФСР Министăрсен Канашĕн 1967 çулхи чӳк, 30 йышăнăвĕпе университета Илья Николаевич Ульяновăн ячĕпе чысланă.

Вĕренсе тухнă паллă çынсем

• Патмар Эдисон Иванович — чувашский поэт.
• Ефимов Лев Архипович — чувашский писатель.
• Аксаков Анатолий Геннадьевич
• Кураков Лев Пантелеймонович
• Федоров Николай Васильевич
• Ильин Виктор Алексеевич
• Маркиянов Орест Александрович
• Чинчиков Александр Александрович
• Юрьев Элли Михайлович

Çавăн пекех пăхăр

• Ашмарин вулавĕсем — ЧПУ ирттерекен конференци.
• Республикăн гимнази-интерначĕ (ЧГУ йышĕнче)
• Шупашкарти физика-математика шкул-интерначĕ
• Чăваш патшалăх И. Я. Яковлев ячĕллĕ педагогика университечĕ

Каçăсем

• ЧГУ официаллă сайчĕ
• Тĕнче ыйту тупсăмĕсен лабораторийĕ

Ку вĕçлемен статья. Эсир статьяна тӳрлетсе тата хушса проекта пулăшма пултаратăр. Çак асăрхаттарнине май пулсан тĕрĕсреххипе улăштармалла.