Громов Василий Петрович

Громов хушаматлă урăх çынсем çинчен Википедире статьясем пур.

Громов Василий Петрович
Громов Василий Петрович
Çуралнă вăхăт	1813-мĕш çулхи кăрлачăн 30-мĕшĕ
Çуралнă вырăн	Элĕк, хальхи Элĕк районĕ, хальхи Чăваш Ен)
Вилнĕ вăхăт	1881
Вилнĕ вырăн	Чикме хули
Гражданлăх	Раççей
Пăхăнулăх	Раççей империйĕ
Ашшĕ	паллă мар
Амăшĕ	паллă мар
Ачисем	Виктор ятлă ывăл

Громов Василий Петрович (1813-1881) — çуттатуртавçă, чăваш чĕлхин лексикографĕ тата çыравçă. Чиркÿсенче ĕçленĕ. Хальхи Чăваш Республикине кĕрекен Элĕк районĕнчи Элĕк ялĕнче çуралса ÿснĕ. Громов Виктор Петрович (31.10.1834-1881) тухтăрăн ашшĕ.

Вăл çырса хăварнă ÿкĕтсем (1852-1855) чăваш литературин пĕр пĕрчи пулса тăраççĕ. Раççейри тĕп физика обсерваторийĕ валли метерологи сăнавĕсене ярса парса тăнă. Вырăс Географи пĕрлĕхĕн пайташĕ-ĕслевçи шутланнă, асăннă йĕркелĕмĕн кĕмĕл медальне тивĕçнĕ.

Пурнăçĕ

В.П.Громов çуралса ÿснĕ Элĕк ялĕ хальхи вăхăтра

Элĕк ялĕнче тиеччук килйышĕнче çуралса ÿснĕ.

Ăçта вĕренни

Хусанти тĕн семинарине пĕтернĕ.

Ăçта ĕçлени

• 1830-мĕш çултан пуçласа Хусанти тĕн вĕрентĕшĕнче чăваш чĕлхи, хулари гимназире грек чĕлхи вĕрентнĕ
• 1832-1855-мĕш çулсенче Ишекре çаваплăхçă пулса ĕçленĕ.
• Пурнăçĕн юлашки çулĕсенче Чикме хулинче çаваплăхçă пулса ĕçленĕ.

1856-мĕш Чикме хулинче Спиридон Михайловпа пĕрле финн ăславçипе Альквист Карл Август Энгельбрехтпа тĕл пулнă, лешĕ унăн "Чăваш лексиконне" (пĕр пайне) шведла куçарнă.

Ĕçĕсем

• "Чăваш лексиконĕ" текен алçыру хатĕрленĕ.
• Чăвашла тăнлантаравсем (ÿкĕтлевсем) хатĕрлĕнĕ (1852-1855), вĕсем паянхи кунчченех архивра упранаççĕ.

Вуламалли

• Симулин А.М. Громов Василий Петрович — электронла чăваш энциклопедири статья.
• Алексеев А.А. Краткий очерк жизни и деятельности фольклориста и чувашеведа В.П.Громова // Исследования по лексике и грамматике современного чувашского языка: [Cб. ст.] / НИИ яз., лит., истории и экономики при Совете Министров Чуваш. АССР. Чебоксары, 1986. С. 59–69.
• Магницкий, В. К. Священник Василий Петрович Громов : [член-сотрудник Русского географического общества : заметка о нем с приложением двух его писем по поводу составленного им Чувашского лексикона к Н. И. Золотницкому] / В. К. Магницкий. - [Казань] : Типография губернского правления, 1884. - 11 с.
• Гусаров Ю.В. Талиев Пётр Иванович — электронла чăваш энциклопедири статья.
• Петров Н.П. Чăваш литература чĕлхин историйĕ: Яковлевченхи тапхăр. Ш., 1978;
• Сергеев Л.П. Кивĕ чăваш çырулăхĕ. Ш., 1988.
• Петров Н.П. Дояковлевская чувашская письменность — электронла чăваш энциклопедири статья.