Сувар (хаçат)

Сувар (хаçат)
Тĕс	Эрнере пĕр хут, çырăнмалла
Формат	А3
Редактор	К. А. Малышев
Никĕсленĕ	çурла 1993
Чĕлхе(сем)	чăвашла
Тираж	5000 ытла экз.
Веб-сайт	suvargazeta.ru

Сувар хаçатăн 2007 çулхи авăн 14-мĕшĕнчи кăларăмĕн пĕрремĕш пичĕ

Сувар — Тутарстанра тухакан чăваш хаçачĕ. Пĕрремĕш номерĕ 1993 çулхи çурла уйăхĕнче тухнă.

Тĕп редакторĕ — Малышев Константин Анатольевич.

Редакцийĕ Хусан хулинче вырнаçнă.

Тиражĕ

«Сувар» эрнесерен тухакан 8 питлĕ хаçачĕ. Учредитель - ТР Массăллă коммуникацисен "Татмедиа" Агентстви. Телепрограммăсăр пуçне кашни страница чăвашла пичетленсе тухать. 2006 çулхи сентябрĕн 12-мĕшĕ тĕлне хаçат тиражĕ - 5348 экземпляр.

Редакторĕсем

"Суварăн пĕрремĕш редакторĕ Владимир Ильич Данилов (Тутарстан Республикин Нурлат районĕнчи Якурккел ялĕ) пулнă.

Хаçатăн 2-мĕш редакторĕ Николай Михайлович Сорокин (Тутарстан Республикин Теччĕ районĕнчи Аслă Ăнă ялĕ), виççĕмĕшĕ - Александр Кириллович Иванов (Чăваш Республикин Вăрнар районĕнчи, Хирпуç ялĕ) пулнă.

Хальхи тĕп редактор - Константин Анатольевич Малышев ТР, Пăва районĕнчи Пӳркел ялĕнче çуралса ӳснĕ. Тĕп редактор çумĕ — Вера Валерьевна Александрова, Тутарстан Республикин Аксу районĕнчи Кивĕ Этемшÿ ялĕнчен.

Çырăнтару

Сувар хаçата Тутарстанри кашни çыхăну уйрăмĕнче çырăнса илме пулать, çулталăклăх çырăну хакĕ Тутарстанра - 396 тенкĕ (2009).Çырăну индексĕ: 54156. Çавăн пекех 2009 çултан кӳршĕллĕ регионсенче пурăнакансем те, Камчаткăпа Калининградра пурăнакнасем те хаçата хăйсен патĕнчи почтăра МАП каталогĕпе çырăнма пултараççĕ. Тулашри çырăну индексĕ: 79273. Ку чухне хаçат хакĕ çур çула 300 тенке яхăн пулать, этем хăш регионта пурăннине кура.

Çыхăну

Редакци адресĕ: 420066, Хусан, Чистопольски урамĕ, 5-мĕш çурт, 2-мĕш хутри редакцисен комплексĕнчи 3,4,5 офиссем.

Телефон/факс: (843)518-33-75,

журналистсем: (843)292-36-46

янрав уйрăмĕ: (843)294–62–95

Evgeniy Turhan (ÿкернĕ вăхăт2022-04-15), вăл «Сувар» хаçатăн малтанхи йышĕнче пулнă çынсенчен пĕри

Çавăн пекех

• Хусан чăвашĕсем (рок-ушкăн) - Тутарстанри чăваш рок-ушкăнĕ.

Каçăсем

• «Сувар» хаçатăн тетелри версийĕ.
• Хаçат сайтне 2009 ҫулхи Пуш уйӑхӗн 8-мӗшӗнче архивланӑ. 2006 çулта тума пуçланă. 2006 çулхи çурла уйăхĕнче пĕрремĕш бета-версийĕ тухнă.
• Тутарстан Республикинчи чăвашсен обществăпа политика хаçачĕ
• Сувар dev 2018 ҫулхи Ҫу уйӑхӗн 25-мӗшӗнче архивланӑ.
• Сувар 2016 ҫулхи Раштав уйӑхӗн 19-мӗшӗнче архивланӑ.