Семирамидăн çакăнса тăракан сачĕсем

«Википеди» ирĕклĕ энциклопединчи материал
Семирамидăн çакăнса тăракан сачĕсем

Семирамидăн çакăнса тăракан сачĕсем, — «Çут тĕнчери çичĕ асам» шутне кĕрекен, Авалхи Вавилон мухтавĕ. Унăн ишĕлчĕкĕсем Багдадран 90 çухрăмра вырнаçнă. Грецири историксем çирĕплетнĕ пек, Ассири патша майри Семирамида тутарман ăна. Вĕсене каярах, Вавилон патши Навуходоносор II хушнипе тутарнă. Çакăнса тăракан садсене тăватă хутлă террассăсем пек тунă. Вĕсенчен чи çӳлти 40 метра çитнĕ.

Пирĕн эрăчен 331 çулта Македони Александрĕ çарĕсем Вавилона тытса илнĕ. Чапа тухнă çарпуçĕ хулана хăйĕн анлă сарăлнă имперĕн тĕп хули туса хунă. Çакăнта, çакăнса тăракан садсен сулхăмĕнче вилнĕ те теççĕ Александр Македонский. Вал вилнĕ хыççăн Вавилон пĕтме пуçланă.

Çакăнса тăракан садсем Евфрата шыв илнипе арканнă.