Хура тинĕс

«Википеди» ирĕклĕ энциклопединчи материал
Morzeczarne1.jpg

Хура тинĕс — çĕрсем хушшинче вырнаçнă, Атлантика океанне керекен тинĕс. Тинĕс Раççей, Украина, Грузи, Турци, Болгари тата Румыни çыранĕсем хушшинче вырнаçнă. Хура тинĕс тăрăх Европăпа Пĕчĕк Ази хушшинчи чикĕ иртет.

Лаптăкĕ — 422 000 км², чи тарăн вырăн — 2210 метр. 150 метртан аяларах сероводород кăна, çавăнпа та унран тарăнрах вырăнсенче нимĕнле чĕрĕ чун та пурăнмасть.

Тинĕс Босфор проливĕ тăрăх Мрамор тинĕсĕпе, Керчь проливĕ тăрăх Азов тинĕсĕпе çыхăннă.

Ячĕ[тӳрлет]

Грексем ку тинĕсе Понт Аксински (Япăх кĕтсе илекен тинĕс) тенĕ. Каярахпа, тинĕс çыранĕсене тишкерсе тухнă хыççăн тинĕсе Понт Эвксински ят панă (Лайăх кетсе илекен тинĕс). Хальхи ячĕ сероводородран пулнă тесе шутлаççĕ. Якорьсем 150 метр аяларах самай вăхăт тăнă хыççăн хура тĕслĕ пулса ларнă. Çавна пулах тинĕсе моряксем хура ята панă.

Портсем[тӳрлет]

Паллă портсем: Батуми, Бургас, Варна, Стамбул, Керчь, Констанца, Новороссийск, Одесса, Поти, Севастополь, Сочи, Сухуми, Ялта.

Тинĕс хĕрринче курортсем питĕ нумай.