Кăлкан Александр Дмитриевич

«Википеди» ирĕклĕ энциклопединчи материал
Александр Калган
Çуралнă чухнехи ят: Антонов Александр Дмитриевич
Çуралнă вăхăт: 1911 раштав, 25
Вилнĕ вăхăт: 1988 чӳк, 19
Вилнĕ вырăн: Шупашкар, Чăваш АССР, РСФСР, СССР
Ĕçлев тĕсĕ: поэт, драматург, тăлмач, редактор
Тĕлĕ: поэзи, проза
Ĕçсен чĕлхи: чăваш
Чыславсем:
«Хисеп Палли» орденĕ Чăваш АССР тава тивĕçлĕ ĕçченĕ (1945)

Кăлкан Александр Дмитриевич (паспортпа: Антонов, 1911, раштав, 25, Çĕн Мертлĕ ялĕ, Пăва районĕ, Тутар АССР — 1988, чӳк, 19, Шупашкар) — сăвăç, драматург, тăлмач.

1940 çултанпа СССР ÇП пайташĕ. 1945 çулта Чăваш АССРĕн тава тивĕçлĕ ӳнер ĕçченĕ ятне тивĕçнĕ. «Хисем палли» орденне тивĕçнĕ.

Пурнăçĕ[тӳрлет | кодне тӳрлет]

1911 çулхи раштавăн 25-мĕшĕнче Тутарстанăн Пăва районĕнчи Çĕн Мертлĕ ялĕнче çуралнă.

Хусанти Чăваш педагогика техникумĕнче тата педагогика институтĕнче, Мускаври литература аслă курсĕнче пĕлӳ илнĕ. Ачасене шкулта вĕрентнĕ.

Шупашкара килсен, 1935 çулта çыравçăсен пĕрлешĕвĕнче ĕçлеме пуçланă. «Хатĕр пул» журналăн редакторĕ пулнă. «Пионер сасси» хаçат редакциĕнче ĕçленĕ. Ӳнер управлениĕнче вăй хунă.


1988 çулхи чӳк уйăхĕн 19-мĕшĕнче Шупашкарта вилнĕ.

Ĕçĕсем[тӳрлет | кодне тӳрлет]

Вăл сăвăсем, юптарусем, пьесăсем çырнă. «Алим», «Анисса», «Авлантарчĕç», «Маргарита тавăрать» тата ытти пьесăсен пĕлтерĕшĕ халĕ те чакман.

Александр Калкан çавăн пекех нумай куçарнă. Çав шутра В. Шекспир, А. Островский, Н. Гоголь, Н. Погодин тата ыттисен пьесисем те пур.

Пичетленсе тухнă кĕнекесем:

  • «Аниса» (1936);
  • «Хаклă парне» (1951);
  • «Сар Иван» (1956, 1959);
  • «Юптарусем» (1959).

Вырăсла тухнă кĕнекесем:

  • «Басни» (Юптарусем, 1966);
  • «Лето красное» (Хитре çу);

Асăнмалăх[тӳрлет | кодне тӳрлет]

  • Александр Кăлкан çуралнăранпа 100 çул тултарнине палăртса ирттернĕ класс тулашĕнчи ĕçĕн сценарииĕ[1]

Вуламалли[тӳрлет | кодне тӳрлет]

Асăрхавсем[тӳрлет | кодне тӳрлет]

Каçăсем[тӳрлет | кодне тӳрлет]