Энгельс (хула)

Урăх пĕлтерĕшĕсене Энгельс (пĕлтерĕшĕсем) статьяра пăхăр.

Э́нгельс — Раççей хули (1914), Сарăту облаçĕн Энгельс районĕн хула статуслĕ муниципаллă йĕркеленӳлĕхĕ.

Хула Атăлăн сулахай çыранĕнче, Сарăту тĕлне хирĕç вырнаçнă.

Халăх йышĕ — 230,5 пин çын (2007).

Энгельс хули муниципаллă йĕркелĕвĕн пуçлăхĕ — Лысенко Михаил Алексеевич.

Кун-çулĕ

1914 çултанпа Покровск ятла пулнă. 1931 ç. Энгельс ята, Фридрих Энгельс философа тата этем пĕрлĕхĕн ĕçченне хисеплесе панă. 1922-41 çç. — Атăлçи нимĕçĕсен АССР тĕп хули пулса тăрать.

1965 çулта Энгельса Сарăтупа çыхăнтаракан автоçул кĕперне хунă.

Промăçлăхĕ

Троллейбус завочĕ «Тролза»
Ятарлă автомобильсен завочĕ
УAO «Бош Саратов». Малтанхи автотрактор авăр çуртисен завочĕ.
Энгельс транспорт машинăтăвакан завочĕ
Энгельс пăрăх завочĕ
«Хенкель-Юг», çумалли хатĕрсен завочĕ Henkel Group

УАО «Металл Конструкцисен завочĕ» (кĕпер конструкцисем, вакун тăвасси)

Вăрçă объекчĕсем

Хулара Раççей СÇВ Энгельс авиабази вырнаçнă, унта РФ Инçет авиацийĕн 22-мĕш Донбасс йывăр бомба пăрахакан авиаци дивизийĕ тăрать. Ку раççей йĕтреллĕ хĕçпăшаллă стратеги авиацин, икĕ (Украинка авиабазипе пĕрле) базинчен пĕрри. Çаплах базăра АПШ пăхса тăнипе 1990-үеш çулсен варринче Раççейĕн стратеги бомбă пăрахакан Ту-160 самолёчĕсене пĕтернĕ (вĕсен фюзеляжне гильотинăпа татнă).

Паллă çыннисем

Лев Кассиль — ача-пăча çыравçи
Дингес Георгий Генрихович— паллă тĕпчевçе-лингвист, этнограф, Атăлçи нимĕçĕсен Тĕп музейĕ (халĕ Энгельс тăван ен тĕпчев музейĕ)
Рау Пауль Давидович — паллă тĕпчевçĕ-археолог
Альфред Шнитке — паллă композитор
Юрий Гагарин — пĕрремĕш тĕнчери космонавт, Энгельс çумĕнче анса ларнă.

Паллă вырăнĕсем

Энгельсре Сарăту облаçĕн оперетта театăрĕ вырнаçнă.

Здание читального зала Центральной библиотеки, построенное в 1909 году
Петров çурчĕ — XX ĕмĕрĕн пуçламĕшĕ
Таса-Троица чиркĕвĕ — 1825 çулта тунă
Музейсем: Энгельс тăван ен тĕпчев музейĕ, Л. А. Кассиль музейĕ, Инçет авиации музейĕ
Юрий Гагарин çĕр çине аннă вырăнĕ

Вуламаллии

Каçăсем