Интеграллă шутлав

Интеграллă шутлав — математикăра интегралпа çыхăнни мĕн пур, çав йăлтах çак ăнлав шутне кĕрет. Паллăлăхлă интеграл тата паллăлăхсăр интеграл пур. Паллăлăхсăр интеграл вăл — вĕçĕ-хĕррисĕр йыш. Çав йышăн уйрăм пайташне умсăнар теççĕ. Çак икĕ тĕрлĕ интеграла — паллăлăхлине тата паллăлăхсăррине — пач тĕрлĕрен палăртаççĕ пулин те, вĕсен хушшинче тарăн çыхăну пур.

Вăл çыхăну ак çакăн пек. Енчен те

$F(x)=\int f(x)dx$

пулсан, вара ак çапла танлăх тĕрĕсе килет:

$\int _{a}^{b}f(x)dx=F(b)-F(a)$

Ку танлаштаркăча Ньютон—Лейбниц формули теççĕ.