Ишим (юханшыв)
Иши́м (казах. Есіл) — Казахстанпа Раççей çĕрĕсенче юхакан шыв, Иртышăн сулахай юппи. Тăсăлăвĕ 2450 çм, шыв-çĕр лаптăкĕ 177 пин çм².
[тӳрлет] Тавралăхĕ
Юханшыв Нияз тăвĕсенче пуçланать; малтан ытларах анăçалла тата çурçĕр-анăçалла, хĕсĕк айлăмпа юхать, çыранĕсем чуллă. Астанаран анатарах айлăмĕ сарăлать. Державинскран иртсен çурçĕрелле тата çурçĕр-тухăçалла çаврăнать. Тата анатарах юханшыв Анăç-Çĕпĕр айлăмне тухать те яка Ишим çеçенхирĕпе анлăн юхать, чи анатра шурлăх çĕрсенче юхса иртет.
Юханшывпа Петропавловскран 270 çм тата Викуловоран юхса кĕриччен пăрахут çӳреме пултарать. Иртыша Усть-Ишим патĕнче юхса кĕрет.
Юр шывĕпе тулать. Чӳк уйăхĕнче пăрпа витĕнет, ака-çу уйăхсенче пăртан тасалать. Çуркунне 15 çм анлăш саралать. Юхса кĕнĕ çĕртен 215 çм 56,3 м³/çек шыв турттарать, чи пысăкки — 686 м³/çек.
Тĕп юпписем — Колутон, Жабай, Акканбурлук (сылтăммисем). Юханшыв çинче Вячеслав, Сергеев шывуправĕсем вырнаçнă.
Ишим çинчи хуласем: Казахстанра — Астана, Первомайка, Сергеевка (Акмола облаçĕ), Державинск, Есиль, Сергеевка (Çурçĕр-Казахстан облаçĕ), Петропавловск; Раççейре — Ишим, Балаганы, Каргалы, Усть-Ишим.
[тӳрлет] Çавăн пекех пăхăр
[тӳрлет] Каçăсем
 |
Ишим (юханшыв) Викиампарта? |
|---|
|
|
|
|---|---|
| Юпăсем | • Атăл (Хура Атăл, Чулман Атăл) • Тан • Урал • Печора (Уса) • Обь (Иртыш (Ишим, Тобол (Тура)), Кеть, Бия, Катунь) • Енисей (Ангара, Подкаменная Тунгуска, Анат Тунгуска) • Лена (Вилюй (Марха), Алдан (Амга), Олёкма, Витим) • Индигирка • Колыма (Омолон, Мăн Анюй, Кĕçĕн Анюй) • Амур (Шилка (Ингода, Онон), Аргунь, Зея, Бурея) |
