Вăрнар районĕ

	Вӑрнар районӗ
	Ялав;
	Ялав;
Патшалӑх	РФ
Статус	муниципаллӑ район
Кӗрет	Чăваш Ен
Администраци центрӗ	Вӑрнар посёлокӗ
Йӗркеленӗ вӑхӑт	1927 ҫ. авӑнӑн 5
Муниципаллӑ округ пуҫлӑхӗ	Никандрова Надежда Валериановна
Муниципаллӑ округӑн депутатсен пухӑвӗн ертӳҫи	Иванов Юрий Анатольевич
Официаллӑ чӗлхе	чӑваш, вырӑс
Лаптӑк	1012,59 км² (6-мĕш вырăн)
Вӑхӑт тӑрӑхӗ	MSK (UTC+3)
ISO 3166-2 кочӗ	1927, авăн, 5
Телефон кочӗ	+7 83537
Сайчĕ
{{#coordinates:}}: нельзя иметь более одной первичной метки на странице

Вăрна́р райо́нĕ (чӑв. Вӑрнар районӗ) — Чӑваш Республики (Раҫҫей Федерацийӗ) йышӗнчи администрациллӗ-территориллӗ виҫе тата муниципаллӑ йӗркеленӳ (муниципаллӑ район).

Администрациллӗ центр — Вӑрнар посёлокӗ.

2023 ҫулхи раштав уйӑхӗн 29-мӗшӗнчен Вӑрнар муниципаллӑ округӗн пуҫлӑхӗ Никандрова Надежда Валериановна пулса тӑнӑ.

Тавралăхĕ

Чăваш Ен варринче вырнаçнă. Çурçĕр енче Чăваш Енĕн Элĕк тата Красноармейски районĕсемпе, анăç енче Çĕмĕрле районĕпе, тухăç енче Канаш районĕпе, кăнтăр енче Йĕпреç районĕпе юнашар вырнаçнă. Çурçĕртен кăнтăралла, тухăçран анăçалла 35 çухрăм тăсăлать. Район çĕрĕ-шывĕн лаптăкĕ — 1012,6 км². Район администрацийĕ Вăрнар паççулкинче вырнаçнă.

Халăх йышĕ, район тытăмĕ

1999 çулхи кăрлачăн 1-мĕшĕнче районта 44,2 пинĕ çын пурăннă, çав шутра 13,2 пинĕ çын — хулара (29,8 %) тата 31,0 пинĕ çын — ял çыннисем (70,2 %). Вăрнар районĕнче пĕр поселок, 101 ял. Ялта вăтамран 323 çын пурăнать. Халăх-çын тăвăрлăхĕ - 44,3 çын/тăваткалçухрăм. 91 % пурăнаканĕ — чăвашсем.

Семен Элкер Вăрнар районне кĕрекен Çармăс ялĕсем çинчен çапла çырнă:

...Кушлавăшсем пуçланнă ĕмĕрте Çавалăн анат вĕçĕнче, паллах, сĕм вăрмансем пулнă, унта çармăссем те пурăннă. Этнографсем каланă тăрăх, чăвашсемпе хутшăнса кайнă çармăс йăхĕсем пурăна киле йăлтах чăвашланса çитнĕ. Çавлăн анат вĕçĕнче те, Кушлавăш тăрăхĕнче техаль çармăссем çук. Анчах та чăваш хушшинчи хăш-пĕр ялсемпе çырма-çатра ячĕсем паян кунчченех çармăс чĕлхине е çармăс халăхне аса илтереççĕ. (Кушлавăш уйĕпе унăн çывăхĕнчех Пăтавăш, Кăкавăш, Мăркавăш ятлă пĕчĕк юханшывсем, Уравăш, Явăш, Туçи-Çармăс, Хурăнсăр-Çармăс ятлă ялсем пур тата ытти те)...

Истори

Района 1927 çулхи авăнăн 5-мĕшĕнче уйăхĕнче туса хунă.

Çутçанталăкĕ

Çутçанталăк кунта вăтам континентлă. Вăтам температура кăрлачра -12,9°С сивĕ, утăра — 18,3°С ăшă, чи шартлама сивĕ -44 °C, питĕ шăрăх- 39,7°С. Çулта çĕр çине 552 мм çумăр-юр ӳкет. Юханшывĕсем пысăках мар. Çурçĕр-хĕвелтухăç енче Мăн Çавал 43 çухрăм тăршшĕ, кăнтăр-хĕвелтухăçĕнче — Кĕçĕн Çавал 28 çухрăм тăршшĕ юхать.