Херес

Пичкесенчи херес эрехĕ нӳхрепре.

Херес - ( исп.Jerez, анкăл Sherry ) - вăтам хаярлатнă испан шурă эрехĕ. Чăн хересе Херес тăрăхĕнче — Кăнтăр Испанири Андалузи провинцинче — тăваççĕ.

Иçĕм сорчĕсем

Херес тăрăхĕнче 11 пин гектар çĕр çинче (2006 çул) иçĕм ӳсет. Херес эрехне тума ирĕк панă шурă иçĕм сорчĕсем: Паломино (90 %), Педро Хименес, Москатель (Мускат), Видуэньо, Перруно, Мантуо.

Иçĕм çырлине авăн уйăхĕнче пуçтарма тытăнаççĕ. Кун пирки алхас уявĕ иртет - "Фиеста-де-ла-Бендимия".

XIX ĕмĕрĕн вĕçĕнче филлоксера эпифитотийĕ умĕн хересе тумашкăн иçĕм çырлин нумай сортне янă; 1868 çулта çак йыша 42 сорта кĕртнĕ.

Анлăрах сарăлнă сортсем:

1. Palomino bianco, пуринчен малтан пиçсе çитет те питĕ паха эрех парать;
2. Mantuo икĕ тĕсĕ, вĕсенчен япăх мар эрех тăваççĕ, вĕсем хăйăрлă (акшар/пура айтăпри) тăпра çинче ӳсеççĕ;
3. Mollar икĕ тĕсĕ, Albillo тата Perruno, вĕсенчен типĕ эрехсем, уйрăмах вĕсен букетне хаклаççĕ;
4. Pedro-Ximenez, Moscatel тата Tintilla-de-Rota: кусенчен питĕ паха пылак эрехсене тăваççĕ.

Хальхи вăхăтра хересе иçĕмĕн виçĕ сортĕнчен кăна тăваççĕ: Palomino Fino (мĕнпур продукцин 95 %), Pedro Ximenez тата Moscatel Fino.

Технологи

Херес тултарнă кĕленче тата бокал.

Эрехе тумашкăн пиçсе çитнĕ иçĕм çырли кирлĕ, çавăнпа та пайăн-пайăн, темиçе хутчен пуçтараççĕ. Хересĕн пылак сорчĕсене иçĕме таптаса çăрас умĕн ытларах чухне хулăмран тунă матсем çине хураççĕ те Хĕвел çинче икĕ эрне вырттараççĕ. Çакăн хыççăн иçĕме пăчăртаса илеççĕ.

Херес сорчĕсем

• Фино - ( fino ) - улăм-ылтăн тĕслĕ, 15-17 % хаярлăхпа пылаксăр эрехĕ. Миндаль, типĕ курăк, кăмпа шăршиллĕ.
• Олоросо
• Манзанилья - тĕттĕм-хăмăр тĕслĕ, кăштах тăварлă тутти.

Херес тăвакан пысăк компанисем

Компани	Никĕсленĕ, çул	Хула
Gonzales Bayass SA	1783	Херес-де-ла-Фронтера
William & Humbert	1877	Херес-де-ла-Фронтера
Bodegas Osborn SA	1772	Санта-Мария
Antonio Barbadillo	1821	Санлукар-де-Баррамеда
Pedro Domecq	1730	Херес-де-ла-Фронтера
Garvey тата Valdivia	1780	Кадис
Croft Jerez		Херес-де-ла-Фронтера
Grupo Estevez тата Valdespino		Хеоес-де-ла-Фронтера

Хересрен тунă коктейлсем

Хересе аперитив коктейлĕсене тунă çĕрте ускураççĕ. Хутăштарса хатĕрленĕ ĕçмесене ытларах водкăпа, джинпе, вискипе пĕрле ĕçеççĕ. Кирлĕ чухне херес вырăнне шурă типĕ вермут та каять.

Çав. пекех

• Херес-бренди
• Херес уксусĕ
• Солера

Литература

• Волкова Г. И. jerez // Учебный испанско-русский лингвострановедческий словарь-справочник. — М.: Высш. шк., 2006. — ISBN 5-06-004248-0
• Менделеев Д. И., Таиров В. Е. Херес // Энциклопедический словарь Брокгауза и Ефрона: В 86 томах (82 т. и 4 доп.). — СПб.: 1890—1907.
• М.А. Герасимов Херес // Технология вина. — М.: 1959.
• Н.Ф. Саенко Херес. — М.: 1964.
• Херес // Товарный словарь / И. А. Пугачёв (тĕп редактор). — М.: Государственное издательство торговой литературы, 1960. — Т. IX.
• Херес // Энциклопедия виноградарства / редкол.: А. С. Субботович (пред.) и др.. — Кишинёв: Главная редакция Молдавской Советской Энциклопедии, 1987. — Т. 3. — 50000 экз. — ISBN 978-0-01-360551-0
• Вино // Большая российская энциклопедия. Том 5. — М.: 2006.
• Попов А. А. Херес // Секреты сомелье. — Ростов н/Д: Феникс, 2009. — (Все обо всем). — 3000 экз. — ISBN 978-5-222-15220-1

Каçăсем

• Consejo Regulador de las Denominaciones de Origen «Jerez-Xérès-Sherry» — Официальный сайт контролирующего комитета производителей хереса
• Херес, Jerez, Xérès, Sherry wine — Сайт о хересе и его аналогах
• Как делают Херес Архивленĕ 10 Ака уйӑхӗн 2023 çулта.
• История и процесс производства хереса
• Самые известные испанские хересы.

*