Пăрачкав районĕ

Пăрачкав районĕн картти

Пăрачкав районĕ, — Чăваш Енĕн кăнтăр-хĕвеланăç енче вырнаçнă район. Район администрациĕ Шупашкартан 150 çухрăмра ларакан Пăрачкав салинче вырнаçнă. Район лаптăкĕ 1116,9 км² танлашать, ку вăл республикăн 6,1%.

Пăрачкав районĕн чикки Чулхула облаçĕпе Мордва Республикин çумĕпе иртет. Çавăн пекех Пăрачкав районĕпе юнашар Çĕмĕрле, Йĕпреç тата Улатăр районĕсем вырнаçнă.

Çутçанталăк

Район чăваш платоĕ çинче вырнаçнă. Чи çӳллĕ вырăн районăн кăнтăр-хĕвеланăç енче тинĕс шайĕнчен 243 метр çӳллĕшĕнче вырнаçнă. Çĕр айĕнчи пурлăхсенчен кунта торф, керамика япалисене кăларма юрăхлă суглиноксем, кирпĕч тума юрăхлă тăмсем, стройкăсенче усă куракан хăйăр, доломитсем пур.

Районĕн тĕп юханшывĕ — Сăр. Сăр района икĕ пая пайлать, ун хĕрринче кӳлĕсем чылай.

Халăх йышĕ

1999 çул пуçламăшĕнче районта 18,6 пин ял çынни пурăннă. 1 тăваткал çухрăм çине 15,1 çын çеç килет. 74% — вырăссем, 21% — мордва халăхĕсем шутланаççĕ. Ытти халăхсем сайра тĕл пулаççĕ. Районта пурĕ 39 ял, вăтамран вĕсенче 493 çын пурăнать.

Административлă пайлану

• Алвеле ял тăрăхĕ
• Анастасовоял тăрăхĕ
• Кудеиха ял тăрăхĕ
• Куславкка ял тăрăхĕ
• Мишуково ял тăрăхĕ
• Никулин ял тăрăхĕ
• Октябрьски ял тăрăхĕ
• Пăрачкав ял тăрăхĕ
• Рындин ял тăрăхĕ
• Семёновски ял тăрăхĕ
• Сиява ял тăрăхĕ
• Сыреç ял тăрăхĕ

Паллă çыннисем

• Алатырцев Владимир Иванович, вырăс çыравçи.
• Бусыгин Николай Иванович, сăвăç.
• Викторов Юрий Васильевич, график, искуствовед.
• Воронов Василий Дмитриевич, живописец.
• Жакова Вера Николаевна, çыравçă.
• Ильина Валентина Александровна, çыравçă, сăвăç, тăлмач.
• Каракачков Николай Прокопьевич, живописец.
• Краснов Иван Георгиевич, сăвăç, çар журналисчĕ.
• Куторкин Андрей Дмитриевич, мордва çыравçи.
• Лебедев Константин Васильевич, вырăс çыравçи.
• Мишутин Николай Степанович, прозаик.
• Мухин Василий Петрович, хор дирижёрĕ, вĕрентекен.
• Пиняев Иван Данилович, сăвăç, прозаик, критик.