Ефимов Георгий Андреевич

«Википеди» ирĕклĕ энциклопединчи материал
Георгий Ефимов
Çуралнă чухнехи ят: Ефимов Георгий Андреевич
Çуралнă вăхăт: 1932, нарăс, 7
Çуралнă вырăн: Flag of the Russian Soviet Federative Socialist Republic.svg Малти Ăнтавăш ялĕ, Канаш районĕ Чăваш АССР
Вилнĕ вăхăт: 2005, юпа, 30
Вилнĕ вырăн: Чăваш Республики Шупашкар
Гражданлăх: Flag of the Soviet Union.svg Flag of Russia.svg
Ĕçлев тĕсĕ: чăваш сăвăçи, прозăçи, тăлмачĕ
Жанр: повеç, роман, калав, поэзи
Ĕçсен чĕлхи: чăваш, вырăс
Disambig gray.svg Википедире Ефимов хушаматлă çынсем пирки урăх статьясем пур.

Ефимов Георгий Андреевич (1928, утă, 9, Малти Ăнтавăш ялĕ, Канаш районĕ, Чăваш АССР2005, юпа, 30, Шупашкар, Чăваш Республики) — чăваш сăвăçи, прозăçи, тăлмач.

Чăваш Республикин халăх сăвăçи (1996). Чăваш Енĕн культурăн тава тивĕçлĕ ĕçченĕ (1978), Халăхсен туслăхĕн орденĕн лауреачĕ, П. Хусанкай ячĕллĕ Чăваш Енĕн çыравçă-профессионалсен пĕрлешĕвĕн литература премин лауреачĕ.

"Молодая гвардия" журналăн преми лауреачĕ. Чăваш АССР Аслă Канашĕн Президиумĕн Хисеп грамотисене иккĕ хутчен тивĕçнĕ[1][2].

Пурнăçĕ[тӳрлет | кодне тӳрлет]

1928 çулхи утă уйăхĕн 9-мĕшĕнче Чăваш Енĕн Канаш районĕнчи Малти Ăнтавăш ялĕнче çуралнă.

Чăваш патшалăх К.В. Иванов ячĕллĕ академи драма театрĕ çумĕнчи театр студийĕнчен вĕренсе тухнă. Йĕпреç районĕнчи куçса çӳрекен театр актерĕ пулса ĕçленĕ.

1948-1953 çулсенче Георгий Ефимов Мускавра А.М.Горький ячĕллё патшалăх литература институтĕнче вĕреннĕ. Чăваш кĕнеке издательствин редакторĕ, Чăваш Республикин çыравçăсен пĕрлешĕвĕн правленийĕн литература консультанчĕ пулса ĕçленĕ. 1955-1963 çулсенче — «Ялав» журналăн тĕп редакторĕ, Чăваш Республикин Çыравçисен пĕрлешĕвĕн правленийĕн яваплă секретарĕ, «Коммунизм ялавĕ» хаçатăн пай ертӳçи, Чăваш кĕнеке издательствин редакци ертӳçи пулнă.

2005 çулхи юпа уйăхĕн 30-мĕшĕнче Шупашкарта вилнĕ.

Георгий Ефимов республикăн пĕрлĕх ĕçне хастар хутшăннă, ĕç çыннисен депутачĕсен Шупашкар хула канашĕн депутачĕ, Чăваш Республикин çыравçăсен пĕрлешĕвĕн правлени пайташĕ пулнă.

Пайăр пурнăç[тӳрлет | кодне тӳрлет]

Икĕ хут мăшăрланнă. Пĕрремĕш арăмĕ - Серафима Мироновна. Иккĕмĕш арăмĕ - Светлана Ефимова.

Пултарулăх ĕçĕсем[тӳрлет | кодне тӳрлет]

Унăн пĕрремĕш сăввисем «Ялав» журналта 1946 çулта пичетленнĕ, 1953 çулта "Ашă туйăмсем" сăввисен пуххи тухнă.

Унăн пултарулăхĕ нумай енлĕ пулнипе, пысăк гражданлăхпа, сăрăсемпе кĕвĕсен тĕрлĕ енлĕхĕпе, сăнарсемпе характерсен хăйне евĕрлĕхĕпе, хĕрӳлĕхпе, уйрăмла лирикăпа палăрнă. Георгий Ефимов талантлă çыравçă тата сăвăçă пулнă. Вăл 50 ытла кĕнеке, çав шутра сăвăсен, ачасем валли юмахсен пуххисене çырнă. Çуррине яхăн кĕнекисем вырăсла тухнă.

"Çăкăр", "Атте çĕрĕ", "Кăвак инçет", "Пурнăç утăмĕсем" тата ытти поэми уйрăм вырăн йышăнаççĕ. Георгий Ефимовăн нумай сăввине Чăваш Енри кĕвĕçĕсем юрра хывнă.

2006 çулта унăн «Телейсĕр чух телейлĕскер» кĕнеки тухнă.

Сахал мар хайлавне ытти чĕлхесене куçарнă. Хăй те чăвашла нумай куçарнă.

Асăнмалăх[тӳрлет | кодне тӳрлет]

  • Георгий Ефимов урамĕ, Шупашкар

Вуламалли[тӳрлет | кодне тӳрлет]

  1. Георгий Ефимов [Текст] : [биобиблиогр. справка] / Союз писателей ЧАССР. – Чебоксары, 1988. - 7 с.
  2. Алексеев, О. Поэт ячӗпе – асӑну / О. Алексеев // Хыпар. – 2008. – 15 чӳк. – С. 3.
  3. Алексеев, О. Çырас ĕç – пурнăç тĕллевĕ / О. Алексеев // Хыпар. – 2006. – 9 чӳк. – С. 4.
  4. Артемьева, Н. «Ҫитмӗл ҫул иртӗ-ши, ҫирӗм ҫул-ши?...» : [чӑваш халӑх поэтне Георгий Ефимова халаланӑ сӑвӑ] / Н. Артемьева // Хыпар. – 1998. – 23 утӑ.
  5. Еливанова, Г. Халăх поэчĕ – халăхпах / Г. Еливанова // Хресчен сасси. – 2006. – 5 раштав. – С.
  6. Ефимов, Г.Чуна ӑшӑтакан ҫырусем : [Анатолий Ермилов (Юман) ҫыравҫӑ патне янӑ ҫырусем] / Г. Ефимов // Тӑван Атӑл. – 2008. – № 7. –С. 143-146.
  7. Прокопьев, В. Чăваш халăх поэчĕ // Прокопьев, В. Канаш тăрăхĕн ятлă–сумлă çыннисем / В. Прокопьев. – Шупашкар, 2005. – С. 119-124.
  8. Смирнова, Н. Юлашки ҫула / Н. Смирнова // Хыпар. – 2005. – 2 чӳк.
  9. Абрамов, В. А. Ефимов Георгий Андреевич / В. А. Абрамов // Чувашская энциклопедия. – Чебоксары, 2006. – Т. 1 : А–Е. – С. 575.
  10. Афанасьев, П. Eфимов Георгий Андреевич // Афанасьев, П. Писатели Чувашии / П. Афанасьев. – Чебоксары, 2006. – С. 136–138.
  11. Eфимов Георгий Андреевич // Совет. Чувашия. – 2005. – 1 нояб. – С. 6.
  12. Семендер, Ю. Живет в песнях и книгах / Ю. Семендер // Республика. – 2006. – 26 апр. (№ 18). – С. 11.
  13. Тимуков, А. Н. Eфимов Георгий Андреевич / А. Н. Тимуков // Краткая чувашская энциклопедия. – Чебоксары, 2001. – С. 160.
  14. Фирсов В.И. Слово о поэте. М., 1973.

Асăрхавсем[тӳрлет | кодне тӳрлет]

Каçăсем[тӳрлет | кодне тӳрлет]