Пурхи Ахван

«Википеди» ирĕклĕ энциклопединчи материал
Пурхи Ахван
Afanasev p v.jpg
Çуралнă вăхăт: Нарăс, 20 1942
Çуралнă вырăн: Çĕнĕ Йăлма ялĕ, Çарăмсан районĕ, Тутар АССР, СССР
Гражданлăх: Flag of the Soviet Union.svg Flag of Russia.svg РФ
Ĕçлев тĕсĕ: чăваш прозăçи, сăвăçи, драматургĕ, тăлмачĕ
Ĕçсен чĕлхи: чăваш, вырăс, тутар
Парнесем: Çеçпĕл Мишши ячĕллĕ парне (1982)
Чăваш Республикин искусствăсен тава тивĕçлĕ ĕçченĕ (1992)
И. Я. Яковлев ячĕллĕ парне
Трубина Марфи ячĕллĕ парне
Фатих Карим ячĕллĕ парне

Пурхи Ахван (паспорчĕпе Афанасьев Порфирий Васильевич, 1942 çулхи нарăс, 20, Çĕнĕ Йăлма ялĕ, Тутар АССР, Çарăмсан районĕ çурулнă) — чăваш прозăçи, сăвăçи, драматургĕ, тăлмачĕ.

СССР ÇП пайташĕ (1977), Çеçпĕл ячĕллĕ преми лауреачĕ (1982), Чăваш Республикин искусствăсен тава тивĕçлĕ ĕçченĕ (1992), Чăваш Республикин Патшалăх премийĕн лауреачĕ (2001), Ф. Карим ячĕллĕ премии лауреачĕ (1998), И.Я. Яковлев ячĕллĕ премии лауреачĕ (2002), Трубина Марфи ячĕллĕ преми лауреачĕ. Пĕтĕм тĕнчери тĕнче халăхĕсен ăс-тăнлăх академин пайташĕ.

Пурнăçĕ[тӳрлет | кодне тӳрлет]

1942 çулхи нарăсăн 20-мĕшĕнче Тутарстанăн Çарăмсан районĕнчи Çĕнĕ Йăлма ялĕнче çуралнă.

1964 çулта Хусанти педагогика институтĕнче, 1976 çулта ССКП ТК çумĕнчи партин Аслă шкулĕнчи журналистика факультетĕнчен вĕренсе тухнă.

Шкулта ачасене вĕрентнĕ, Çарăмсан район хаçачĕн редактор çумĕ пулнă. 1967 çулта Шупашкара куçса килнĕ. «Коммунизм ялавĕ» хаçатăн (1967-1974, 1976-1977) редакцисенче ĕçленĕ. Хатĕр пул журналăн редакторĕ, Чăваш Енĕн ÇП правленин председателĕ (1986-1990), Чăваш Радиовĕн тата Чăваш кĕнеке издательствин тĕп редакторĕ пулса ĕçленĕ. Чăваш Республикин Пичетпе информаци политики министрĕн çумĕнче вăй хунă.

Чăваш Енĕн професиллĕ çыравçăсен пĕрлешĕвĕн правлени председателĕ çумĕ вырăнĕнче тăрăшнă.

Пултарулăхĕ[тӳрлет | кодне тӳрлет]

Вильям Шекспирăн «Виндзорские проказницы» комедине, Л. Леоновăн «Нашествие» тата В. Распутинăн «Деньги для Марии» пьесисене чăвашла куçарнă. Ку авторсемсĕр ытти çыравçăсен ĕçĕсене те чăвашла куçарнă.

«Сан ятупа» (1986) сăвăллă трагедие Чăваш драма театрĕнче лартнă. Унăн «Пырса курăр хăнана», «Кĕрхи туслăх» тата ытти сăввисенчен юрă кĕвĕленĕ.

Пичетленсе тухнă кĕнекисем:

  • «Çарăмсан кĕввисем» (1975)
  • «Вучах» (1978)
  • «Чун çути» (1980)
  • «Пурăн юрату!» (1985)
  • «Хĕвел хапхи» (1988)
  • «Чирмешәннән бер йотым су» (Çарăмсан сыпкăм шывĕ) (1990, тутар чĕлхипе)
  • «Тав» (1999)

Чыславсемпе парнесем[тӳрлет | кодне тӳрлет]

«Чăваш Республики умĕнчи тава тивĕçлĕ ĕçсемшĕн» орден медалĕ

Чăваш АСССРĕн Верховнăй Совечĕн Президиумĕн хисеп грамоти

Вуламалли[тӳрлет | кодне тӳрлет]

  • Афанасьев, П. В. Дари добро : народный поэт Чувашии = Çынна ырă ту : чăваш халăх поэчĕ Порфирий Афанасьев / [П. В. Афанасьев ; сост. серии и авт. предисл.] Н. Григорьев ; [пер. В. Овчарова и др.]. – Чебоксары : [Новое Время], 2011. – 357 с.[1]
  • Кузьмина, И. Ентешĕсен хисепĕ / И. Кузьмина // Тăван Атăл. – 2012. – № 12. – С. 109-111.
  • Афанасьев Порфирий Васильевич // Чуваши Татарстана = Тутарстан чăвашĕсем : [кн.-альбом]. – Чебоксары, 2006. – C. 490.
  • Афанасьев Порфирий Васильевич // Энциклопедия чувашской журналистики и печати. – Чебоксары, 2014. – С. 36-37.
  • Афанасьев, П. Афанасьев Порфирий Васильевич // Афанасьев, П. Писатели Чувашии / П. Афанасьев. – Чебоксары, 2006. – С. 46-48.
  • Никитин, В. П. Афанасьев Порфирий Васильевич / В. П. Никитин // Чувашская энциклопедия. – Чебоксары, 2006. – Т. 1 : А-Е. – С. 156-157.

Каçăсем[тӳрлет | кодне тӳрлет]